Alevi 23:14 - MUKANDA USANDU WA ZAMBI 1975

¹⁴ Kanda nulia mbolo hanji mbuto, yipwe yumu, yipwe ya wisu, ndo tangwa lize, ndo hinwaneha mulambu wa Zambi yenu. Acho chiyulo cha mutolo ndusu yisemuko yenu yeswe kweswako munutwama.

Mukanda Wa Zambi 1970

¹⁴ Kanda nukalia mihuko yaha niyimwe, chibwe ya wisu, chibwe ya kwocha, chibwe ya kulinga ni mbolo, ndoo muze hinwaneha mulambu kuli Zambi. Vungu lienu lieswe chatamba kufunga Shimbi jino ndoo ku miaka yeswe.

Alevi 23:14 Iomraidhean Croise

Nehemia 9:14

Waanyingikishine Sambata ye yisandu; waatuminyine maliji, ni yiyulo, ni shimbi ku kwoko lia Mose kavumbi ke.

Miaso (Masamu) 19:8

Longeso lia Yehova liamwenemwene, liakuwahisa mbunge. Shimbi ya Yehova yakulinanga, yakupangulwisa meso.

Kutuhuka 27:21

Arone ni anenyi a malunga akayilulikise chize ku chingoloshi ndo ku kucha kumeso ja Yehova mu mbalaka ya chikungulwila, haze lia chikalakala cha hina chili kulutwe lia ye shindakenyo. Chikapwe shimbi ya mutolo ndusu yisemuko yeswe hali A-Izalele.

Kutuhuka 34:26

Yitangu ya kuhia ya ku mbuto ya mu minda ye ukatwale ku zuwo lia Yehova Zambi ye. Kanda ukateleka mwana-pembe mu yamwa ya naye.

Alevi 10:11

Nukalongese A-Izalele yiyulo yeswe yize Yehova haakunjika kuli Mose.

Alevi 2:14

Nyi mutambula mulambu wa wunga wa mbuto yitangu kuli Yehova, ukalambule ha mulambu wa mbuto yitangu mbuto ya wisu ya kwangiliza ni kahia, mbuto ya kundonda ya ku mitwe yaha.

Alevi 23:31

Kanda nulinga milimo niyimwe. Yikapwe chiyulo cha mutolo, ndusu yisemuko yenu yeswe, kweswako munutwama.

Alevi 23:41

Munufunga chiwanyino chino kuli Yehova matangwa shimbiali ha mwaka. Chino chapwa chiyulo cha mutolo ndusu yisemuko yenu yeswe. Munukachifunga mu kakweji wamuchishimbiali.

Alevi 3:17

Chino chikapwe chiyulo cha mutolo mu mazuwo jenu ndusu yisemuko yenu yeswe ngwami, Kanda nulia chipwe maji chipwe manyinga.

Shimbi 16:12

Nwiwuluke ngwami, Nwapwile tupinji mu Engitu; nufunge yiyulo yino ni kuyilinga.