Alevi 23:10 - MUKANDA USANDU WA ZAMBI 1975

¹⁰ Amba kuli A-Izalele ngwe, Muze mununjila mu chifuchi chize ngunanwehe, munukacha mbuto yamo, nukwete kuneha chichita cha mbuto yitangu ya kucha chenu kuli sasendote.

Alevi 23:10 Iomraidhean Croise

Kutuhuka 22:29

Kanda ukalaluka kutambula ya ku kulumbama cha mbuto ye, ni ya ku maji a mu ukamino we. Tupula-majimo a kuli ané a malunga ukaahane kuli yami.

Kutuhuka 23:16

Chiwanyino cha kuhela mbuto, (mbuto yitangu ya ku kuhondangana che), wakulima ku munda, ni chiwanyino cha kukungila mbuto ha kuhwa cha mwaka, muze mukunga ya ku kuhondangana che ku munda.

Kutuhuka 23:19

Ukahetese mu zuwo lia Yehova Zambi ye, yitangu ya kuhia ya ku mbuto ya mu minda ye. Kanda ukateleka mwana-pembe mu yamwa ya naye.

Kutuhuka 34:22

Ukafunge chiwanyino cha masemana, cha tiliku yitangu ya kulianga kuhia. Ukafunge nawa chiwanyino cha kukungila mbuto ha kuhwa cha mwaka.

Kutuhuka 34:26

Yitangu ya kuhia ya ku mbuto ya mu minda ye ukatwale ku zuwo lia Yehova Zambi ye. Kanda ukateleka mwana-pembe mu yamwa ya naye.

Ezekiel 44:30

Yitangu ya mbuto yitangu ya milali yeswe, ni milali yeswe ya milambu yenu yeswe muyipwa ya mbala ya asasendote. Munukahana nawa kuli asasendote utangu wa wunga wenu wa kuchika mbolo hanga chiwape chikatwame ha munyachi wenu.

Alevi 14:34

Muze munuheta ku chifuchi cha Kanana ngunanwehecho nukachizuke, nyi mungusa musongo wa mbumba mu zuwo limwe mu chifuchi chize munuzuka,

Alevi 23:11

Iye makahungisa che chichita kumeso ja Yehova hanga akanutambule. Ha tangwa lia kukaula Sambata machihungisa.

Alevi 23:17

Munuchiza ku mazuwo jenu mbolo jiali akajihungise ja kulinga ni yihanda yiali ya ku yihanda kumi ya njongo ya efa. Jikapwe ja wunga wafufunuka, ja kwocha ni futunwiso jikapwe ja mbuto yitangu kuli Yehova.

Alevi 23:9

Yehova yamba kuli Mose ngwenyi,

Kwalula 15:2

Amba kuli A-Izalele ngwe, Muze munukaheta ku chifuchi cha kutwama chenu, chize Yehova makanwaha,

Kwalula 28:26

Ha tangwa lia mbuto yitangu nawa, ha kulambula kuli Yehova mulambu waha wa wunga, ha chiwanyino chenu cha masemana, nukapwe ni chikungulwila chisandu. Kanda nukalingaho milimo niyeyimwe ya kuhondangana.

A-ROMA 11:16

Achi, kachi muhuko utangu usandu, kachi mwaha weswe nawa usandu: kachi muji usandu, kachi mitango nawa yisandu.

Shimbi 16:9

Nulialwile semana shimbiali, ha kuputuka kusa kwengo ku mishachi ya mbuto, nuputuke kwalula semana shimbiali.

Tiangu (Jake) 1:18

Nikulita ni upale wenyi mwene watusemene ku liji lia umwenemwene; hanga tukapwe mulali umwe wa mihuko yitangu ya ku yitanga yenyi.

Yoshua 3:15

ni muze akwa kumbata mushete haheta ku Yordau, ni yiliato ya asasendote akwa kumbata mushete yanjila mu sesa lia meya (Yordau kakusupwokela mungilingili wenyi weswe ha kakweji wa kucha mbuto),

Usolwelo 14:4

Waze kalichishile ni mapwo; mumu o malunga a kulinanga. Wano waze akukaula mwe Mwana-panga kweswako maya. Wano aalanjile hakachi ka atu ngwe mihuko yitangu kuli Zambi ni kuli mwe Mwana-panga.

Rute 1:22

Chocho Noemi yahiluka hamuwika ni Ka-Moape Rute tembwa-mwanenyi yoze wakatukile ku chifuchi cha Moape. Ejile ku Mbeteleme te machiputuka kucha sevada.