Alevi 22:9 - MUKANDA USANDU WA ZAMBI 1975

⁹ Kashika akafunge chize naakunjika kuchina makambata mulonga wacho akafwe ha kuchijilula. Yami Yehova mukwa kwasela ku usandu.

Mukanda Wa Zambi 1970

⁹ “Mahako eswe chaatamba kufunga Shimbi jize hinguneehe. Nyi ka, maabwa ni mulonga, kumaafwa, mumu haakolema Shimbi ja chijila. Yami nguli Mwene Zambi, yami nakwapwisa akwa kulinanga.

Alevi 22:9 Iomraidhean Croise

Kutuhuka 28:43

Arone ni ana jenyi a malunga akamuzale muze manjila mu mbalaka ya chikungulwila hanji muze makundama ku chilumbilo mukuvumbika muma musandu, kuchina mambata uhenge mba mafwa. Chikapwe chiyulo ndo ku miaka ya mutolo hali iye ni hali ana jenyi kulutwe lienyi.

Alevi 16:13

Akase insensu ha kahia kumeso ja Yehova hanga mwishi wa insensu Ukafuke chitwamo cha keke chize chili ha Shindakenyo, kuchina mafwa.

Alevi 16:2

Yehova yamba kuli Mose ngwenyi, Ambila yayenu Arone kanda anjila matangwa eswe muma musandu muchima lia chikalakala kumeso ja chitwamo cha keke chize chili ha mushete, kuchina mafwa. Mumu mungukasoloka mu lelwa ha chitwamo cha keke.

Alevi 18:30

Chocho fungenu shimbi yami ngwami, Nilimwe tangwa kanda nulinga ndako ja kuvwisa lwaji alingile waze atetekelele. Nilimwe tangwa kanda nulichisa najo. Yami Yehova Zambi yenu.

Alevi 22:16

nikwatwika uhenge ni uhie ha kulia yuma yo yisandu, mumu yami Yehova, mukwa kwasela ku usandu.

Kwalula 18:22

Katuke musono A-Izalele kanda akakundama ku mbalaka ya chikungulwila, kuchina mambata mulonga, mba mafwa.

Kwalula 18:32

Mumu ha mukunda wayo kanda nukambata mutonga niumwe, muze munuzundula yipema yayo yahiana. Kanda nukapihisa yuma yisandu ya A-Izalele, kuchina munufwa.

Mateu 23:17

Yihepuke ni tupuputa! mumu yinene yahiana yika, shina oru nyi, shina tembele yize ya kusela ku usandu ye oru?

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.