Alevi 22:13 - MUKANDA USANDU WA ZAMBI 1975

¹³ Ahoze nyi mwana wa pwo wa sasendote hafwisa lunga, hanji hamulakula keshi mwana, mahiluka ku zuwo lia tato ngwe ha wanuke wenyi, mba malia kulia cha tato. Alioze chilambala niumwe kanda achilia.

Mukanda Wa Zambi 1970

¹³ Alioze nyi hafwisa lunga hanji hamulakula, keshi mwana, ni hahiluka maha tato, mba mahasa kulia yakulia ya chijila ya tato. Shina umwe wa ku jiko lia hako, mwe mahasa kuyilia.

Alevi 22:13 Iomraidhean Croise

Ubutukilo 38:11

Mba Yunda yamba kuli tembwamwanenyi Tama ngwenyi, Twama utwamishi mu zuwo lia tatenu ndo mwanami Shela hakola. Mumu kanambe ngwenyi, Kuchina iye nawa mafwa, ngwe ayayo. Chocho Tama yaya, yatwama mu zuwo lia tato.

Ezra 2:63

Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Kutuhuka 12:43

Yehova yamba kuli Mose ni Arone ngwenyi, Yino ye shimbi ya Chizomboka, ngwami, Kandaka niumwe kanda akaliaho.

Kutuhuka 29:33

Akalie yuma ya kufuka nayo shili, mukwatumbikila ku uvumbiko, mukwasela ku usandu. Chilambala kanda akaliako, mumu kuyapwa yisandu.

Ezekiel 44:8

Chikwo nawa kunwafungile yuma yami yisandu, alioze hinwasa tundaka kufunga shimbi jami mu zuwo liami lisandu.

Alevi 10:14

Alioze pambo lia kuhungisa ni chilama cha kuzundula nukayilie kuma kweswako kupema, ni yena ni ane a malunga, ni ane a mapwo hamwe ni yena, mumu hanakweheyo yikapwe chihanda che ni cha ane a malunga, ya ku yitapo ya milambu ya sambukila ya A-Izalele.

Alevi 22:10

Chilambala kanda alia chuma chisandu. Njize mu zuwo ha sasendote, hanji ngamba wa fweto, kanda alia chuma chisandu.

Alevi 22:12

Nyi mwana wa pwo wa sasendote halimbata ni chilambala, kanda alia ku milambu ya kuzundula ya yuma yisandu.

Shimbi 24:2

Mba ha kukatuka ku zuwo lienyi, kanahase kuya ulo kuli lunga weka.

1 Samuel 21:7

Alioze tangwa lize kwapwile umwe ngamba ya Saulu, te hamukwikako kumeso ja Yehova; jina lienyi Doege Ka-Endome. Iye mukwa lutwe hakachi ka tufunga twa Saulu.