Alevi 21:9 - MUKANDA USANDU WA ZAMBI 1975

⁹ Nyi mwana wa pwo wa umwe sasendote malijilula ha kulinga ukoi, hajilula tato, akamwoche ni kahia.

Mukanda Wa Zambi 1970

⁹ Nyi umwe mwana pwo wa hako malipwisa chitanji, kakolesa tato sonyi. Chatamba kumwocha ha kahia.

Alevi 21:9 Iomraidhean Croise

Ubutukilo 38:24

Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

Kutuhuka 31:14

Kashika nukafunge ye Sambata, mumu kuyapwa yisandu kuli yenu. Mweswawo mayijilula akamushihe lume, mumu mweswawo makalingaho milimo, akatete mwe mutu hakachi ka atu jenyi.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Alevi 19:29

Kanda ukalumbula mwané wa pwo ha kumutumbika ku ukoi, kuchina chifuchi cheswe muchilimbukila mu ukoi, mba chifuchi cheswe chikazale tò ni ungulungulu.

Alevi 20:14

Nyi lunga mambata pwo hamuwika ni naye, acho ungulungulu. Kashika akaoche ni kahia ni mwe lunga ni mapwo eswe aali, nukachize ungulungulu hakachi kenu.

Malaki 2:3

Mungukánjisa mbuto ye, mungukwita tuji ha meso jenu, tuji ja milambu yenu, ni yenu manumbata hamwe nayo.

Shimbi 22:21

ahetese mwana-pwo ku chikolo cha zuwo lia tato, malunga a limbo lienyi amwase mawe, hanga afwe, mumu te iye hanalingi uhepuke mu Izalele, hapwa chikoi mu zuwo lia tato. Chocho munukatwisa che chipi mukachi kenu.

Titu 1:6

kachi umwe masamba ku kusuma cheswe, lunga wa pwo umuwika, kali ni ana a kufuliela, waze keshi kusumiwa ha kuhungumuka ni yipi, hanji kukolema.

Yoshua 7:15

Mba yoze mamuwana ni ye yuma yajila akamwoche ni kahia, ni mwene ni yuma yenyi yeswe, mumu hanatangula usendo wa Yehova. Chikwo nawa hanalingi chuma cha kukolesa sonyi mu Izalele.

Yoshua 7:25

Yoshua yamba ngwenyi, Kuchi te hiwatukokela lamba? Kashika Yehova makulamba musono. A-Izalele eswe yamwasa mawe. Yaocha ni kahia nikwaasa mawe.

1 Samuel 2:17

Kashika mulonga wa wano akweze wapwile unene chikolo kumeso ja Yehova mumu mulambu wa Yehova te hiwalumuka chizelwokeso kuli atu.

1 Samuel 2:34

Mba chino muchipwa chilayi kuli yena, chino muchipwa kuli ana je aali a malunga, hali Hofni ni Finehase ngwami, Tangwa limuwika makafwa eswe ni aali.