Alevi 21:15 - MUKANDA USANDU WA ZAMBI 1975

¹⁵ kuchina majilula ana jenyi hakachi ka atu jenyi. Mumu yami Yehova mukwa kumusela ku usandu.

Mukanda Wa Zambi 1970

¹⁵ Nyi ka, ana jenyi waze chaatamba kubwa akwa Minanga, maakabwa a luchisa. Yami nguli Mwene Zambi, hinamuhandununa ha kubwa mwata wa mahako.”

Alevi 21:15 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ezra 2:62

Wano afupile majina jo mu mukanda wa yisemuko, alioze kaawanyine; kashika aamwene ngwe a luchisa, aakatwishile ku usasendote.

Ezra 9:2

Mumu hambata ana jo a mapwo, hali ene ni hali ana jo. Chocho munyachi usandu hiunalifutula ni akwa yifuchi. Ni e alemu ni akwa kuyula hatetekela mu mulonga uno.

Kutuhuka 34:16

Kuchina mukambachisa ana jo a mapwo kuli ana je a malunga, mba ana jo a mapwo makaya akalinge ukoi ni tuzambi two mba makazangisa ana je a malunga kuya akalinge ukoi ni tuzambi two.

Alevi 19:2

Amba ku chikungulwila cheswe cha A-Izalele ngwe, Pwenu asandu mumu yami Yehova Zambi yenu nguli musandu.

Alevi 20:7

Liselenu kuli yami kashika. Pwenu asandu mumu yami Yehova Zambi yenu.

Alevi 21:14

Kanda ambata yoze wafwisa lunga, hanji wa kulakula, hanji yoze hamulumbula, hanji chikoi. Akambate pwo wa kuli atu jenyi mwene yoze kanda alimona ni lunga,

Alevi 21:16

Yehova yamba kuli Mose ngwenyi,

Alevi 21:8

Nukamusele ku usasendote mumu kakulambula kulia cha Zambi yenu. Akapwe musandu kuli yenu mumu yami Yehova mukwa kunusela ku usandu nguli musandu.

Alevi 22:16

nikwatwika uhenge ni uhie ha kulia yuma yo yisandu, mumu yami Yehova, mukwa kwasela ku usandu.

Malaki 2:11

Yunda halinga ni mafwefwe; halinga chuma cha kuvwisa lwaji mu Izalele ni mu Yerusaleme. Mumu Yunda hajilula tembele ya Yehova yize iye kanazange; hambata mwana wa zambi umwe wa tundaka.

Malaki 2:15

Zambi te katulingilile spiritu ya mwono nikuyiholesa? Mba yika anazange? Ana ja uwayilo kevwe. Kashika keyelenu, niumwe kandapwa ni mafwefwe kuli pwo lia ukweze wenyi.

Mateu 23:17

Yihepuke ni tupuputa! mumu yinene yahiana yika, shina oru nyi, shina tembele yize ya kusela ku usandu ye oru?

A-ROMA 11:16

Achi, kachi muhuko utangu usandu, kachi mwaha weswe nawa usandu: kachi muji usandu, kachi mitango nawa yisandu.

1 Korintu 7:14

Mumu lunga yoze keshi kufuliela mamusela ku usandu muli mukwo-pwo, ni pwo yoze keshi kufuliela mamusela ku usandu muli mukwolunga; nyi ka, kachi ana jenu mapwa a luchisa; alioze haliapwila kanapu ku usandu.