Alevi 20:8 - MUKANDA USANDU WA ZAMBI 1975

⁸ Fungenu yiyulo yami nukayilinge. Yami Yehova mukwa kunusela ku usandu.

Mukanda Wa Zambi 1970

⁸ Fungenu Shimbi jami, mumu nguli Mwene Zambi, nakunupwisa akwa kulinanga.”

Alevi 20:8 Iomraidhean Croise

Kutuhuka 31:13

Amba kuli A-Izalele nawa ngwe, Chamwenemwene nukafunge Sambata jami mumu kuchapwa chilayi hakachi ka yami ni yenu ndusu yisemuko yenu, hanga nukanyingike ngwenu, Mwe Yehova kakutusela ku usandu.

Ezekiel 20:12

Chikwo nawa naahele masambata jami akapwe yilayi hakachi ka yami ni ayo akanyingike yami Yehova nakwasela ku usandu.

Ezekiel 37:28

Henaho mavungu makanyingika yami Yehova nakusela Izalele ku usandu muze mungusa tembele yami hakachi ko ndo ku miaka yeswe.

Alevi 19:19

Fungenu yiyulo yami. Kanda nutayiza yimuna jenu kusema ni vungu lieka. Kanda nukuwa mbuto jiali munda umuwika. Kanda nuzala mazalo a mahina aali alipwila.

Alevi 19:37

Munukafunga yiyulo yami yeswe ni shimbi jami jeswe kuyilinga. Yami Yehova.

Alevi 20:26

Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.

Alevi 21:8

Nukamusele ku usasendote mumu kakulambula kulia cha Zambi yenu. Akapwe musandu kuli yenu mumu yami Yehova mukwa kunusela ku usandu nguli musandu.

Alevi 22:32

Kanda nukajilula jina liami lisandu, alioze chatamba kungusela ku usandu hakachi ka A-Izalele. Yami Yehova mukwa kunusela ku usandu.

Mateu 12:50

Mumu mweswawo malinga upale wa Tata yoze uli mu malilu, iye mapwa mwanakwetu ni pangiami ni mama.

Mateu 23:17

Yihepuke ni tupuputa! mumu yinene yahiana yika, shina oru nyi, shina tembele yize ya kusela ku usandu ye oru?

Mateu 5:19

Kashika mweswawo matangula limuwika lia ku maliji ano akepe ahiana eswe a shimbi, malongesa atu chocho, kumakamuvuluka ngwo, Mukepe Wahiana eswe mu wanangana wa malilu: alioze mweswawo nwalinga, nikwalongesa, mwenawo kumakamuvuluka ngwo, Munene mu wanangana wa malilu.

Mateu 7:24

Kashika mweswawo mevwa wano maliji jami, nyi maalinga, kumamupwisa ngwe mukwa kukanyama yoze watungile zuwo lienyi ha liwe:

Yoano 13:17

Kachi nunanyingika yino yuma, kachi nunawaha nyi munuyilinga.

1 Korintu 1:30

Alioze yenu nuli muli Kristu Yesu nikulita ni kulinga cha Zambi, yoze amupwishile kuli yetu, mana a kuli Zambi, ni ululi, ni usandu, ni ukule:

1 Tesalonika 5:23

Haliapwila Zambi ya sambukila iye mwene akanusele ku usandu liakulu; akafunge maspiritu jenu ni alma jenu ni mijimba yenu ya muwundu, yikapwe kuyishi chitela ha kuheta cha Mwene wetu Yesu Kristu.

2 A-TESALONIKA 2:13

Alioze chatutamba kusakwila kuli Zambi matangwa eswe hali yenu, mandumbu kananuzange chikolo kuli Mwene, mumu Zambi hananutongola chize ku uputukilo mukuzuka ulamwino, ku kusela ku usandu cha Spiritu ni kufuliela cha umwenemwene.

Tiangu (Jake) 1:22

Alioze pwenu akwa kulinga lie liji, hi akwa kwivwa wika ko, ngwe nunaliongo yenwene.

Usolwelo 22:14

Kawaha waze akukosa mazalo jo ja ngungu, hanga akapwe ni chiyulo ku mutondo wa mwono, hanga akanjile ku yikolo mu limbo.