Alevi 20:5 - MUKANDA USANDU WA ZAMBI 1975

⁵ mba mungusa meso jami a kulimika ni mwe lunga ni atu jenyi. Mungwateta hakachi ka atu jo, ni mwene, ni waze eswe anamukaula nikulipwisa yikoi kuli Moleke.

Mukanda Wa Zambi 1970

⁵ yami mwene mungulimika ni mwe mutu ni akwa jiko lienyi eswe ni eswe waze akumukaula ha kulituna yami, ni kuwayila zambi Moleke. Chichi kaalula nawa mukachi ka atu jami.

Alevi 20:5 Iomraidhean Croise

2 Sango Ja Mianangana 21:11

Chikwo nawa yatunga manangamo mu milundu ya Yunda; yakoka A-Yerusaleme ku ukoi; yatwala A-Yunda akapianguke.

Miaso (Masamu) 106:39

Chocho alichishile ni yitanga yo. Mu yitanga yo alingile ukoi.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Jeremia 3:2

Hetula meso je ku milundu kuyishi mitondo utale! Halihi kapombele ni yena? Kwe ku masesa a majila hiwatwaminyina akwa kukuzanga, ngwe Ka-Arabe mu puya. Hiwapihisa chifuchi ni ukoi we upi.

Jeremia 32:39

Mungukaaha mbunge yimuwika ni jila yimuwika hanga akanguvwile woma ndo ku miaka hanga akawahe ene ni ana jo waze maakaula.

Jeremia 44:11

Kashika Yehova-wa-Tujita, Zambi ya Izalele kanambe ngwenyi, Mungusa meso jami kulimika ni yenu kunulinga chikalu; ngukateteho A-Yunda eswe.

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 2:5

Mumu naye halinga ukoi, yoze waasemene halinga sonyi. Mumu iye hamba ngwenyi, Mungukaula akwa zango liami, waze akungwaha kulia chami ni meya a kunwa, kakungwaha wona wa mapanga, ni linyu, ni maji ni yuma ya kunwa.

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Alevi 17:7

Chocho akalitwamine kushihila mahamba waze akulichisa no. Yino muyipwa chiyulo cha mutolo kuli ayo ndusu yisemuko yo yeswe.

Alevi 20:4

Nyi kachi akwa chifuchi mafuka meso jo kuli mwe lunga muze mahana umwe mwanenyi kuli Moleke, kamushihile,

Alevi 20:6

Nyi umwe mutu makatewulukila kuli akwa mahamba ni akwa tufutafuta nikulipwisa ngwe chikoi kuli ayo, mungusa meso jami a kulimika nenyi. Mungukamuteta hakachi ka atu jenyi.