Alevi 20:23 - MUKANDA USANDU WA ZAMBI 1975

²³ Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji.

Mukanda Wa Zambi 1970

²³ Kanda nukembulula ndako ja mavungu waze atwama ko. Ngunaahumu hanga nuhase kunjila mu chifuchi cho, mumu hinevwa kubiha ha yitanga yo yibi.

Alevi 20:23 Iomraidhean Croise

Miaso (Masamu) 78:59

Muze Zambi wachivwile, wevwile ufwatulo. Wevwilile kupiha chinji A-Izalele.

Alevi 18:2

Amba kuli A-Izalele ngwe, Yami Yehova Zambi yenu.

Alevi 18:24

Kanda nulichisa ni yuma yino niyimwe mumu akwa mavungu aze ngunaahumu kumeso jenu o halichisa nayo yeswe.

Alevi 18:25

Chocho chifuchi hachichisa mba hinaalambila uhenge wacho. Chifuchi hichasaza waze atwamamo.

Alevi 18:27

(Mumu yuma yino yeswe ya kuvwisa lwaji malunga akwa chifuchi alingile, waze nwawanyine, kashika chifuchi achichishile.)

Alevi 18:3

Kanda nulinga yize akulinga mu chifuchi cha Engitu kuze nwatwamine. Kanda nulinga yize akulinga mu chifuchi cha Kanana kuze ngunanutwala. Kanda nwenda mu yiyulo yo.

Alevi 18:30

Chocho fungenu shimbi yami ngwami, Nilimwe tangwa kanda nulinga ndako ja kuvwisa lwaji alingile waze atetekelele. Nilimwe tangwa kanda nulichisa najo. Yami Yehova Zambi yenu.

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.