Alevi 20:2 - MUKANDA USANDU WA ZAMBI 1975

² Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe.

Mukanda Wa Zambi 1970

² ha kulweza Aisraele ngwenyi: “Nyi umwe wa kuli yenu hanji chilambala yoze watwama mukachi kenu malambula mwanenyi kuli zambi Moleke, Chikungulwila cheswe amushihe ni mawe.

Alevi 20:2 Iomraidhean Croise

1 Yitanga Ya Mianangana 11:7

Henaho Solomone yatunga nangamo hali Chemoshe che chizelwokeso cha A-Moape mu mulundu kulutwe lia Yerusaleme, ni hali Moleke che chizelwokeso cha A-Amone.

1 MIANANGANA 17:17

Apalikishile mu kahia ana jo a malunga ni a mapwo. Atahile ngombo ni kukwata ku yuma ya umbanda. Alilanjishile kulinga chipi kumeso ja Yehova akamwihie atenuke.

1 MIANANGANA 23:10

Yachisa nawa Tofete yize yapwile mu chikulo cha A-Hinome hanga niumwe mapalikisa mwanenyi wa lunga hanji wa pwo mu kahia kuli Moleke.

2 Sango Ja Mianangana 28:3

Chikwo nawa wochelele insensu mu chikulo cha mwana Hinome, ni kwocha ana jenyi mu kahia, nikulita ni yizelwokeso ya akwa mavungu waze Yehova wambilile kumeso ja A-Izalele.

2 Sango Ja Mianangana 33:6

Wapalikishile ana jenyi mu kahia mu chikulo cha mwana wa Hinome. Walingile nawa yuma ya munanyi, ni ya umbanda, ni ya wanga; wayile kuli akwa mahamba ni akwa tufutafuta. Walingile yipi yinji kumeso ja Yehova kumwihia ku utenu.

Miaso (Masamu) 106:38

Amwangine manyinga aze keshi chitela, chipwe manyinga ja anó a malunga ni a mapwo, waze alambwile yitapo ku tuponya twa A-Kanana. Chifuchi cheswe chapihile ni manyinga.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Jeremia 7:31

Hanatungu nangamo lia Tofete lize lili mu mungulunga wa mwana wa Hinome, akalumbe ana jo a malunga ni a mapwo mu kahia, chuma chachitumine, kuchanjilile mu mbunge yami.

Ezekiel 20:26

Yingwachisa ku yawana yo ha kwakoka kulambula mu kahia atangu jo eswe kusemuka hanga ngukaavwise lwaji. Yinguchilinga hanga akanyingike yami nguli Yehova.

Ezekiel 20:31

Ha kuhana milambu yenu, ni kulambula anenu a malunga mu kahia nwakulichisa ni mahamba jenu eswe ndo musono. Mba mungutá nukanguhule, enu akwa munyachi wa Izalele? Mwene Yehova kanambe ngwenyi, Ni mwono wami, chichi kutá nukahule kuli yami.

Ezekiel 23:37

Mumu halinga utanji ni kali ni manyinga ha moko jo. Halinga utanji ni mahamba jo, mba ana jo aze hinasema no haatenga kulia cha mahamba.

Ezekiel 23:39

Mumu ha tangwa lize ashihile ana jo yitapo ya mahamba jo, ejile tangwa lio liene mu zuwo liami lisandu kulijilula. Chocho yalinga mu zuwo liami.

Alevi 17:13

Chikwo nawa, mutu mweswawo hakachi ka A-Izalele, hanji njize yoze watwama hakachi ko, nyi mu yambu mashiha kashitu, hanji kajila yoze walita ni kulia, akwete kuhichisa manyinga jenyi nikwaluka ni mavu.

Alevi 17:15

Mutu mweswe malia yoze walifwila, hanji wa kupapulula kuli tushitu, apwe mwenyembo, apwe njize, akakose mazalo jenyi, akasane meya; akapwe wa luchisa ndo chingoloshi mba mapema.

Alevi 17:8

Amba kuli ayo nawa ngwe, Mutu mweswawo wa ku vungu lia Izalele, hanji wa njize waze atwama hakachi ko, matambula mulambu wa kulumba, hanji chitapo,

Alevi 18:21

Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Alevi 20:1

Yehova yamba kuli Mose ngwenyi,

Alevi 20:27

Lunga hanji pwo mukwa mahamba, hanji mukwa tufutafuta, munushiha. Munumwasa mawe. Manyinga jo akapwe hali ene.

Alevi 24:14

Mukwa kutuka numunehe haze lia chilombo, waze eswe amuvwile kutukana akase moko jo ha mutwe wenyi, mba akwa chikungulwila eswe akamwase mawe.

Alevi 24:16

Yoze mashililika jina lia Yehova akamushihe. Akwa chikungulwila eswe akamwase mawe. Apwe njize, apwe mwenyembo, muze mashililika lie Jina, akamushihe.

Alevi 24:23

Chocho Mose yámbila A-Izalele mba yatwala yoze watukanyine haze lia chilombo. Yamwasa mawe. Chocho A-Izalele yalinga chize Yehova hatuma Mose.

Yilinga 7:43

Ewa, nwanjile mbalaka ya Moloko, ni lutongonoshi wa zambi yenu Refwame, tuponya aze nwaatangilemuk wakombelela: kumungukanututulwila kuze-kanda lia Babilonia.

Shimbi 12:31

Kanda nulinga chocho kuli Yehova Zambi yenu, mumu yizelwokeso yeswe Yehova anayivwila lwaji, o te hanalingi ku tuzambi two; mumu o, chipwe ana jo a malunga ni ana jo a mapwo anaochela kuli tuzambi two.

Shimbi 17:2

Kachi hakachi kenu, mukachi ka yihunda yimwe ya yenu Yehova Zambi yenu ananweheyo, mawana lunga, chipwe pwo analingi chipi kumeso ja Yehova Zambi yenu ha kutangula usendo wenyi,

Shimbi 18:10

Kanda awana kuli yenu niumwe yoze masa mu kahia mwanenyi wa lunga hanji mwanenyi wa pwo, chipwe tahi, chipwe mukwa munanyi, chipwe mukwa kupanda, chipwe chimbanda,

Shimbi 21:21

Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

Shimbi 22:21

ahetese mwana-pwo ku chikolo cha zuwo lia tato, malunga a limbo lienyi amwase mawe, hanga afwe, mumu te iye hanalingi uhepuke mu Izalele, hapwa chikoi mu zuwo lia tato. Chocho munukatwisa che chipi mukachi kenu.