Alevi 20:12 - MUKANDA USANDU WA ZAMBI 1975

¹² Nyi lunga mapomba ni tembwa-mwanenyi, akashihe eswe ni aali mumu halinga utanji wa undumbu. Manyinga jo akapwe hali ene.

Mukanda Wa Zambi 1970

¹² Nyi umwe lunga malimona ni tembwa mwanenyi, chatamba kwashiha eswe aali, kaalinga chibi kuhiana. Uhise muubwa wa ayo ene.

Alevi 20:12 Iomraidhean Croise

Ubutukilo 38:16

Kashika yaya kuli iye ku sesa lia jila ngwenyi, Ngunasakwila, ngunjile kuli yena. Mumu iye kanyingikine ngwenyi, Tembwa-mwanami. Pwo yakumbulula ngwenyi, Yika mungwaha mba unjile kuli yami?

Ubutukilo 38:18

Iye yamba ngwenyi, Mwivu uka mungukwaha? Pwo ngwenyi, Chijikilo che, ni muya we, ni mulumbu uli nawo mu kwoko. Yamwahayo, yanjila kuli iye, mba pwo yapwa ni ufumba kuli iye.

Kutuhuka 22:2

Nyi makwata mwiji kanalokola zuwo, mamulamba chocho mafwa, kukuchi kapwa uhiso wa manyinga mumu hali iye.

Alevi 18:15

Kanda ufukula tembwa-mwané se iye pwo lia mwané. Kanda umufukula.

Alevi 18:23

Kanda upomba ni kashitu ukalichise nenyi. Niumwe pwo kanda alihana kuli kashitu kupomba nenyi. Acho uhenge.

Shimbi 27:23

Kashingiwa mutu yoze mapomba ni naye-weno. Atu eswe até ngwo, Amene.