Alevi 2:12 - MUKANDA USANDU WA ZAMBI 1975

¹² Muhasa kuyilambula kuli Yehova ha mulambu wa mbuto yitangu, alioze kanda yiya ha chilumbilo ha lupembo mupema kuli Yehova.

Mukanda Wa Zambi 1970

¹² Mulambu wa ku mbuto yitangu yize munukabatwola mwaka ha mwaka, chatamba kuuneha kuli Mwene Zambi, alioze kanda nukawocha ha chilumbilo.

Alevi 2:12 Iomraidhean Croise

Ubutukilo 23:17

Chocho musenge wa Efrone uze watwama mu Makapela kulutwe lia Mamare, ni we musenge, ni chivwenge chize chilimo, ni mitondo yeswe yili mu musenge, mu njiza mweswe mwakujingilika, ayikolesele

2 Sango Ja Mianangana 31:5

Mba muze shimbi yino hiyafumana A-Izalele yahana mbuto yitangu ya tiliku, ni vinyu, ni maji, ni wuchi, ya kulumbama, ni ya mbuto yeswe ya mu minda. Chihanda cha kumi cha yuma yeswe yaneha ya kulumbama.

Kutuhuka 22:29

Kanda ukalaluka kutambula ya ku kulumbama cha mbuto ye, ni ya ku maji a mu ukamino we. Tupula-majimo a kuli ané a malunga ukaahane kuli yami.

Kutuhuka 23:19

Ukahetese mu zuwo lia Yehova Zambi ye, yitangu ya kuhia ya ku mbuto ya mu minda ye. Kanda ukateleka mwana-pembe mu yamwa ya naye.

Kutuhuka 34:22

Ukafunge chiwanyino cha masemana, cha tiliku yitangu ya kulianga kuhia. Ukafunge nawa chiwanyino cha kukungila mbuto ha kuhwa cha mwaka.

Alevi 23:10

Amba kuli A-Izalele ngwe, Muze mununjila mu chifuchi chize ngunanwehe, munukacha mbuto yamo, nukwete kuneha chichita cha mbuto yitangu ya kucha chenu kuli sasendote.

Alevi 23:17

Munuchiza ku mazuwo jenu mbolo jiali akajihungise ja kulinga ni yihanda yiali ya ku yihanda kumi ya njongo ya efa. Jikapwe ja wunga wafufunuka, ja kwocha ni futunwiso jikapwe ja mbuto yitangu kuli Yehova.

Alevi 7:13

Helu lia yandanda akalambule mbolo ja futunwiso hamwe ni chitapo cha mulambu wenyi wa sambukila ha kusakwila.

Kwalula 15:20

Nukalambule kuli Yehova chandanda cha ku mwaha wenu utangu, chikapwe mulambu wa kuzundula, ngwe mulambu wa kuzundula wa ku chizungwilo chocho munuulambula.

Kwalula 18:12

Maji eswe apema ahiana, ni vinyu yeswe yipema yahiana, ni ya mbuto, ye mihuko yitangu mayilambula kuli Yehova, hingunakweheyo yena.

1 Korintu 15:20

Alioze haliapwila hanahindwisa Kristu hakachi ka afu, muhuko utangu wa kuli waze hanayi tulo.

Shimbi 26:10

Kutala! Haliapwila, twaneha mbuto yitangu ya ku mavu, yenu Yehova nwatwahayo. Nuyitumbike kumeso ja Yehova Zambi yenu, nuwayile kumeso ja Yehova Zambi yenu.

Usolwelo 14:4

Waze kalichishile ni mapwo; mumu o malunga a kulinanga. Wano waze akukaula mwe Mwana-panga kweswako maya. Wano aalanjile hakachi ka atu ngwe mihuko yitangu kuli Zambi ni kuli mwe Mwana-panga.