Alevi 2:10 - MUKANDA USANDU WA ZAMBI 1975

¹⁰ Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Mukanda Wa Zambi 1970

¹⁰ Yize muyikasala yili ya mbala ya mahako. Kuuli mulambu wa chijila kuhiana, chize kuze waulambwile kuli Mwene Zambi.

Alevi 2:10 Iomraidhean Croise

2 Sango Ja Mianangana 31:14

Ni Kore mwana Ka-Levi Ima, kafunga ka chikolo cha ku Chivumbuko, iye wapwile ni chiyulo ha milambu ya mbunge kuli Zambi akapangile milambu ya Yehova ni yuma yisandu yahiana.

Ezra 2:63

Mwe mukwa kuyula yamba kuli ayo ngwenyi, Kanda nulia ya yuma yisandu yahiana, ndo masoloka umwe sasendote ni Urimi ni Tumimi.

Ezekiel 44:29

Makalia milambu ya wunga, ni milambu ha shili, ni milambu ha uhie, ni yuma yeswe ya kutumbikila mu Izalele muyikapwa niyo.

Ezekiel 46:20

Aye yamba kuli yami ngwenyi, Kuno kwene asasendote makateleka mulambu wa uhie ni mulambu ha shili, ni kuno nawa makocha mulambu wa wunga, mumu kechi kayineha mu yize ya haze akajilike e atu.

Alevi 10:12

Mba Mose yamba kuli Arone ni kuli Eleazare ni Itama, anenyi a malunga waze asala ngwenyi, Andenu mulambu wa wunga uze wasala wa ku milambu ya kahia kuli Yehova, nukaulie kuushi futunwiso ku lumbu lia chilumbilo, mumu usandu Wahiana.

Alevi 14:13

Akashihe mwe mwana-panga kuze akushihila mulambu ha shili ni mulambu wa kulumba kuma kusandu. Mumu mulambu wa uhie wapwa ngwe mulambu ha shili wa mbala wa sasendote. Musandu Wahiana.

Alevi 2:3

Chize cheswe chasala cha ku mulambu wa wunga chikapwe cha Arone ni anenyi a malunga; chapwa chuma chisandu chahiana hakachi ka milambu ya kahia kuli Yehova.

Alevi 21:22

Mahasa kulia ya kulia ya Zambi yenyi, chipwe yisandu yahiana chipwe ye yisandu.

Alevi 5:13

Mba sasendote akamufukile mutonga wenyi havulumuna mu chuma cheswacho cha yino, amukonekenewo. Wunga weswe wasala muukapwa wa sasendote, ngwe mulambu wa wunga.

Alevi 6:16

Chize muchisalaho Arone ni anenyi a malunga akachilie. Akachilie kuchishi futunwiso kuma kusandu, akachilie mu yize ya mbalaka ya chikungulwila.

Alevi 6:23

Mulambu weswe wa wunga wa sasendote akaulumbe wupu. Keshi kuulia.

Alevi 6:9

Amba Arone ni anenyi a malunga ngwe, Shimbi ya mulambu wa kulumba yino; mulambu wa kulumba muukapwa ha kunyi jawo ha chilumbilo Ufuku weswe ndo chimene. Kahia ka ha chilumbilo mukayilaho.

Alevi 7:7

Mulambu wa uhie wapwa chizechene ngwe mulambu ha shili. Shimbi yimuwika yikwete; muupwa wa mbala wa sasendote yoze mafuka nawo shili.

Kwalula 18:9

Yino yikapwe ya yena ya ku yuma yisandu yahiana ya kwocha ku kahia, ngwami: milambu yo yeswe, te milambu yo yeswe ya wunga, ni milambu yo yeswe ha shili, ni milambu yo yeswe ya uhie, o mangulambulayo, yikapwe yisandu yahiana kuli yena ni kuli ana je a malunga.

1 Samuel 2:28

Chamusakwile hakachi ka minyachi yeswe ya Izalele akapwe sasendote yami, akakundame ku chilumbilo chami kwochela insensu, nikuzala efode kumeso jami, nyi? Chahanyine kuli munyachi wa tatenu milambu yeswe ya kahia ya A-Izalele, nyi?