Alevi 19:5 - MUKANDA USANDU WA ZAMBI 1975

⁵ Muze namutambula chitapo cha mulambu wa sambukila kuli Yehova, munuchilambula hanga anutambule kanawa.

Mukanda Wa Zambi 1970

⁵ “Muze munushiha chimuna cha mulambu wa kulivwa ni yami, nufunga Shimbi jize hingunanwehe, mba mungutayiza we mulambu.

Alevi 19:5 Iomraidhean Croise

2 Sango Ja Mianangana 31:2

Hezekia yatongola ngango ja asasendote, ni A-Levi ngango ni ngango nikulita ni milimo yo, ni asasendote ni A-Levi ha milambu ya kulumba, ni milambu ya sambukila, ni ha kuvumbika, ni ha kusakwila, ni ha kuhalisa ku yikolo ya chilombo cha Yehova.

Kutuhuka 24:5

Yatuma akweze a A-Izalele o alambwile milambu ya kulumba, yalambula kuli Yehova ngombe apwe milambu ya sambukila.

Ezekiel 46:12

Muze mwe mulemu makahana mulambu wa mbunge upwe wa kulumba, hanji milambu ya sambukila ngwe mulambu wa mbunge kuli Yehova, chikolo chatalikisa ku Chivumbuko, makamwazulwilacho; mba makalambula mulambu wenyi wa kulumba hanji milambu yenyi ya sambukila chizechene ngwe kakuchihnga ha tangwa lia Sambata; mba makatuhuka, ni muze iye hatuhuka makajila chajilo.

Ezekiel 46:2

Mwe mulemu makanjilila ku senge lia chikolo cha haze, makamana kwe ku nguji lia chikolo. Asasendote makalambula mulambu wenyi wa kulumba, ni milambu yenyi ya sambukila, mba iye makawayila ku chikuli cha chikolo. Mba makatuhuka alioze kechi kajila chajilo ndo ngoloshi.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 19:4

Kanda nutewulukila ku tuponya, hanji ku tuzambi twa kuzuzulula. Yami Yehova Zambi yenu.

Alevi 19:6

Makachilia tangwa lioliene lia kuchilambula hanji ha kucha. Chihanda cheswacho chasala ndo tangwa liamuchitatu machocha mu kahia.

Alevi 22:19

ndo matambula kuji keshi chipa, hanji ya ngombe, hanji ya mapanga, hanji ya pembe, hanga amutambule kanawa.

Alevi 22:21

Muze umwe matambula chitapo cha mulambu wa sambukila kuli Yehova, ha kumanununa chilakenyo, hanji wa ku mbunge yenyi, apwe wa ngombe, hanji wa panga, hanji wa pembe, kechi kuhasa kumutambula ndo mapwa mupema. Kechi kuhasa kupwa ni chipa.

Alevi 22:23

Kuji ya ngombe, hanji mwana-panga, yoze uli ni chilio chimwe chisuku, hanji chihi, muhasa kuhana akapwe mulambu wa mbunge alioze kechi kumutambula ha mulambu wa chilakenyo.

Alevi 22:29

Muze mutapa chitapo cha kusakwilila Yehova, muchitapa hanga akakutambule yena.

Alevi 7:16

Nyi chitapo cha mulambu wenyi muchikapwa cha chilakenyo, hanji cha vumbi, akachilie tangwa lize liene hachilambula, mu kucha nawa makalia chize chasala.

Alevi 7:18

Yifwo yimwe ya chitapo cha mulambu wa sambukila makayilia ha tangwa liamuchitatu, kanda ayitambula; kanda ayalula kuli mukwa kulambula, muyikapwa chuma cha luchisa. Mweswe makayilia makambata uhenge wenyi.