Alevi 19:30 - MUKANDA USANDU WA ZAMBI 1975

³⁰ Fungenu Sambata jami. Lemesenu zuwo liami lisandu. Yami Yehova.

Mukanda Wa Zambi 1970

³⁰ Lemesenu tangwa lia kuhwima, lemesenu nawa zuwo liami lia kunguwayila. Yami nguli Mwene Zambi.

Alevi 19:30 Iomraidhean Croise

2 Sango Ja Mianangana 33:7

Kaponya wa kwola wa hamba yoze halinga, yamusa mu zuwo lia Zambi lize te Zambi waliambile kuli David ni kuli mwanenyi Solomone ngwenyi, Mu zuwo lino, mwe mu Yerusaleme binatongola hakachi ka minyachi yeswe ya Izalele, muno mungusa jina liami ndo ku miaka ya mutolo.

2 Sango Ja Mianangana 36:14

Chikwo nawa asasendote akwa lutwe eswe, ni e atu avulumwine chikolo nikulita ni yizelwokeso yeswe ya mavungu. Yachisa zuwo lia Yehova lize iye te hasela ku usandu mu Yerusaleme.

Miaso (Masamu) 89:7

Hakachi ka punga ya asandu Zambi kapwa kole ni woma. Hakachi ka waze eswe anamujingilika iye chatamba kumuvwila woma kuhiana.

Kutuhuka 20:8

Iwuluka tangwa lia Sambata, ukalifunge lisandu.

Longeshi 5:1

Funga kulu lie muze muoya ku zuwo lia Zambi; mumu kukundama ukevwe acho Shinaho; kuhana yitapo ya yihepuke achi kunyima, mumu o kanyingikine chipi chize analingi.

Ezekiel 9:6

Shihenu pundu makulwana ja malunga, ni akweze, ni ana-mapwo, ni twanuke, ni mapwo, alioze kanda nusunga niumwe yoze uli ni mufunda. Putukenu ku zuwo liami lisandu. Chocho yaputuka te ni makulwana waze apwile kulutwe lia zuwo.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 15:31

Chocho mukafunga A-Izalele a kuhandununa ku luchisa wo, kuchina makafwa mu luchisa wo ha kuchisa tabernakulu yami yatwama hakachi ko.

Alevi 16:2

Yehova yamba kuli Mose ngwenyi, Ambila yayenu Arone kanda anjila matangwa eswe muma musandu muchima lia chikalakala kumeso ja chitwamo cha keke chize chili ha mushete, kuchina mafwa. Mumu mungukasoloka mu lelwa ha chitwamo cha keke.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 26:2

Fungenu Sambata jami. Lemesenu zuwo liami lisandu. Yami Yehova.

Mateu 21:13

Ngwenyi, Chinasonewa ngwo, Kumakavuluka zuwo liami ngwo, Zuwo lia kulembela: alioze yenu nwakulipwisa chiswamo cha mihuza.

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

1 Petulu 4:17

Mumu mwaka hiuneza hanga upatwilo uputuke ku zuwo lia Zambi: nyi kachi muuputuka hatangu kuli yetu, songo lika mulikapwa lia waze keshi kwononoka ku sango lipema lia Zambi?