Alevi 19:3 - MUKANDA USANDU WA ZAMBI 1975

³ Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Mukanda Wa Zambi 1970

³ Mweswe wa kuli yenu alemese tato ni naye, chatamba kufunga tangwa lia kuhwima lize nanuhele Shimbi. Yami nguli Mwene Zambi, Zambi yenu.

Alevi 19:3 Iomraidhean Croise

Ubutukilo 48:12

José yaachiza hakachi ka makungunwa jenyi, yafulamana hashi.

Nehemia 9:14

Waanyingikishine Sambata ye yisandu; waatuminyine maliji, ni yiyulo, ni shimbi ku kwoko lia Mose kavumbi ke.

Kutuhuka 16:29

Talenu! Mumu te Yehova hananwehe ye Sambata, kashika ha tangwa liamuchisambano hananwehe kulia cha matangwa aali. Mutu mweswe akatwame ku chihela chenyi. Ha tangwa liamuchishimbiali mutu niumwe kanda akakatuka ku chihela chenyi.

Kutuhuka 20:12

Lemesa tatenu ni noko, hanga matangwa je akapwe anji mu chifuchi chize Yehova Zambi ye kanakwehe.

Kutuhuka 20:8

Iwuluka tangwa lia Sambata, ukalifunge lisandu.

Kutuhuka 21:15

Yoze malamba tato hanji naye, akamushihe lume.

Kutuhuka 21:17

Yoze mashililika tato hanji naye, akamushihe lume.

Yishima 1:8

Mwanami, panjika ku kufumba cha tatenu; kanda ulituna longeso ha noko;

Yishima 23:22

Panjika kuli tatenu yoze wakusemene; kanda ulelesa noko muze mapwa kashinakaji.

Yishima 30:11

Kuchili chisemuko chakutukana atato; keshi kuwahisa anaye.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Izaya 58:13

Nyi munuchiza yiliato yenu ku Sambata, ni kulitwamina kulinga upale wenu ha tangwa liami lisandu, ni kuvuluka Sambata tangwa lia kuwahilila, ni tangwa lisandu lia Yehova mulipwa lilemu; nyi munulilemesa, kunwayile mu majila ja yenwene, nyi kunuchi kufupa kuliwahisa yenwene hanji kuhanjika yuma yamokomoko;

Ezekiel 20:12

Chikwo nawa naahele masambata jami akapwe yilayi hakachi ka yami ni ayo akanyingike yami Yehova nakwasela ku usandu.

Alevi 11:44

Mumu yami Yehova Zambi yenu, kashika munukalihandununa nukalisele ku usandu, se ni yami nguli musandu. Kanda nukalichisa ni kashitu niumwe mukwa kulikoka ha mavu.

Alevi 19:25

Alioze ha mwaka wamuchitano munukalia mihuko hanga yikeme ya kulumbama kuli yenu. Yami Yehova Zambi yenu.

Alevi 19:30

Fungenu Sambata jami. Lemesenu zuwo liami lisandu. Yami Yehova.

Alevi 19:31

Kanda nukatewulukila kuli akwa mahamba ni akwa tufutafuta. Kanda nukaafupa nukalipihise no. Yami Yehova Zambi yenu.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Alevi 23:3

munulinga milimo ha matangwa asambano alioze liamuchishimbiali mulipwa Sambata yilemu ya kuhwima. Munupwa ni chikungulwila chisandu, kanda nulinga milimo niyimwe mumu muyipwa Sambata ya Yehova kweswako munutwama.

Alevi 26:2

Fungenu Sambata jami. Lemesenu zuwo liami lisandu. Yami Yehova.

Malaki 1:6

Mwana kakulemesa tato; ni kavumbi kakuvwila woma mwata wenyi. Nyi nguli tatenu ulemu wami ulihiwo? Nyi nguli mwata woma nwakunguvwila ulihiwo? Chocho kanambe Yehova-wa-Tujita kuli yenu asasendote nwakulelesa jina liami. Enu nunambe ngwenu, Kuchi twalelesa jina lie?

Shimbi 27:16

Kashingiwa mutu yoze malelesa tato hanji naye. Atu eswe até ngwo, Amene.

Shimbi 5:16

Lemesa tatenu ni noko ngwe Yehova Zambi ye yakwamba, hanga matangwa je akapwe anji, hanga Utwame kawape mu chifuchi chize Yehova Zambi ye kanakwehe.

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?