Alevi 19:25 - MUKANDA USANDU WA ZAMBI 1975

²⁵ Alioze ha mwaka wamuchitano munukalia mihuko hanga yikeme ya kulumbama kuli yenu. Yami Yehova Zambi yenu.

Mukanda Wa Zambi 1970

²⁵ Alioze ha mwaka wa muchitano munuhasa kulia ye mihuko. Nyi nwalinga yino yeswe, mitondo yenu muyikema mihuko yinji. Yami nguli Mwene Zambi, Zambi yenu.

Alevi 19:25 Iomraidhean Croise

Alevi 19:10

Kanda nuhela uva yenu hululu, chipwe uva yize yaholokela hashi kanda nukayanda. Munuyihichikila chiswale ni njize. Yami Yehova Zambi yenu.

Alevi 19:24

Ha mwaka wamuchiwana mihuko yayo muyikapwa yisandu, muyikapwa mulambu wa uhaliso kuli Yehova.

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.

Alevi 19:3

Enu eswe mutu ni mutu nukalemese noko ni tatenu. Nukafunge Sambata jami. Yami Yehova Zambi yenu.

Alevi 19:4

Kanda nutewulukila ku tuponya, hanji ku tuzambi twa kuzuzulula. Yami Yehova Zambi yenu.

Alevi 23:14

Kanda nulia mbolo hanji mbuto, yipwe yumu, yipwe ya wisu, ndo tangwa lize, ndo hinwaneha mulambu wa Zambi yenu. Acho chiyulo cha mutolo ndusu yisemuko yenu yeswe kweswako munutwama.