Alevi 19:22 - MUKANDA USANDU WA ZAMBI 1975

²² Sasendote mafuka mulonga wenyi havulumuna ni kuji ya panga wa mulambu wa uhie kumeso ja Yehova mba mulonga havulumuna mamukonekenawo.

Mukanda Wa Zambi 1970

²² Hako akamanununa Shimbi ya kumubemesa ha kuchiza mulonga wa mwe lunga, ni Zambi makamukonekena.

Alevi 19:22 Iomraidhean Croise

Alevi 19:21

Alioze lunga akanehe mulambu wa uhie hali iye mwene kuli Yehova. Maneha kuji ya panga ku chikolo cha mbalaka ya chikungulwila akapwe mulambu wa uhie.

Alevi 19:23

Muze mununjila mu chifuchi munukatumba mitondo yeka ni yeka ya kulia, mihuko yayo muyikapwa ngwe ya kujilika. Muyikapwa ya kujilika kuli yenu miaka yitatu. Kanda nukayilia.

Alevi 4:20

Chocho akalinge ni mwe kuji, chizechene alingile ni mwe kuji wa mulambu ha shili chocho akalinge ni yono. Mwe sasendote akafuke shili yo mba makaakonekenayo.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Alevi 4:35

Maji jawo eswe akaachizeho ngwe maji a mwana-panga akwachiza ku yitapo ya milambu ya sambukila. Mba sasendote akaalumbe ha chilumbilo nikulita ni milambu ya kahia kuli Yehova. Chocho mwe sasendote akamufukile shili yenyi hanga amukonekeneyo.

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.