Alevi 19:19 - MUKANDA USANDU WA ZAMBI 1975

¹⁹ Fungenu yiyulo yami. Kanda nutayiza yimuna jenu kusema ni vungu lieka. Kanda nukuwa mbuto jiali munda umuwika. Kanda nuzala mazalo a mahina aali alipwila.

Mukanda Wa Zambi 1970

¹⁹ “Fungenu Shimbi jami. Kanda nutayiza yimuna yenu kusema ni yimuna ya vungu lieka. Kanda nutumba mbuto milali yaali mu munda umuwika. Kanda nuzala hina lia milali yaali.

Alevi 19:19 Iomraidhean Croise

Ubutukilo 36:24

Ni ana ja Zepeone, wano; ni Aya ni Hana. Yono Hana awanyine mafuji a meya a kahia mu puya shimbu alishile yimbulu a tato Zepeone.

2 Samuel 13:29

Ngamba ja Absalome yalinga kuli Amnone nikulita ni shimbi ya Absalome. Mba ana eswe a mwanangana yakatuka, yanyina mutu mweswe ha mula wenyi, yachina.

2 Samuel 18:9

Absalome yatakana chitakanyina ni atu a David. Absalome te kanende ha mula mba mula yenyi yapalika mushi lia mitango yinji ya umwe mutondo unene wa carvalho. Mutwe wenyi yiusakaminya mu mitango ya carvalho, yazezala mu tetela, mba mula yoze anendesa yaya lume.

1 Yitanga Ya Mianangana 1:33

Mwanangana yamba kuli ayo ngwenyi, Twalenu tuvumbi twa mwene wenu nukendese mwanami Solomone ha mula wa yami mwene akamupalumwise ku Ngehone.

Ezra 2:66

Tuvwalu two, kulakaji shimbiali ni makumi atatu ni asambano; ni mula jo, kulakaji aali ni makumi awana ni atano;

Alevi 18:4

Munulinga yize natuma yami. Munufunga yiyulo yami nikwendelamo. Yami Yehova Zambi yenu.

Alevi 19:37

Munukafunga yiyulo yami yeswe ni shimbi jami jeswe kuyilinga. Yami Yehova.

Alevi 20:8

Fungenu yiyulo yami nukayilinge. Yami Yehova mukwa kunusela ku usandu.

Alevi 22:31

Chocho nukafunge shimbi jami nikujilinga. Yami Yehova.

Alevi 25:18

Kashika munulinga nikulita ni yiyulo yami. Munufunga shimbi jami nikujilinga. Chocho munutwama kawape mu chifuchi.

Luka 5:36

Iye wahanjikile cheka nawa chishima kuli ayo ngwenyi, Niumwe mapula chando ku hina liaha akachise ha hina likulu, nyi chocho, mapula liaha, ni chando cha liaha kuchishi kulita ni likulu.

A-ROMA 11:6

Alioze kachi chinapu cha vumbi, mba kuchapwile cha yitanga: nyi chocho, vumbi hi vumbi ko nawa.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.

Shimbi 4:5

Kutala! Nanulongesele yiyulo ni upatwilo, ngwe Yehova Zambi yami wangwambile, nulinge chizechene mu chifuchi nunayi kuchizuka.