Alevi 19:18 - MUKANDA USANDU WA ZAMBI 1975

¹⁸ Kanda ukakala mulonga. Kanda ukapwa ni kakucha mu mbunge kuli atu je, alioze ukazange mukwenu ngwe wakulizanga yena mwene. Yami Yehova.

Mukanda Wa Zambi 1970

¹⁸ Kanda ukala milonga kuli mutu niumwe, chibwe kumuvutwokela, alioze Zanga mwenyembo we ngwe chize wakulizanga yena mwene. Yami nguli Mwene Zambi.

Alevi 19:18 Iomraidhean Croise

Ubutukilo 4:23

Mba Lameke yamba kuli mapwo jenyi ngwenyi, Enu Ata ni Zila ivwenu liji liami: enu mapwo ja Lameke panjikenu kuhanjika chami. Hinashiha mutu mumu hangulemeka. Hinashiha mukweze ha kunguwonda.

2 Samuel 13:22

Absalome aye kahanjikile kuli Amnone chipwe chipema chipwe chipi. Mumu Absalome wavwilile kole Amnone mumu havulumuna ndumbwenyi Tama ni tachi.

2 Samuel 13:28

Absalome yatuma ngamba jenyi ngwenyi, Talenu kanawa, muze mbunge ya Amnone muyiwaha kanawa ni vinyu, ni yami mungunwamba ngwami, Lambenu Amnone, himushihenu, kanda nwivwa woma. Ngwami, hinanwaha shimbi. Hamukenu; takamenu.

Miaso (Masamu) 103:9

Keshi kwambamba matangwa eswe, chipwe utenu wenyi keshi kuufunga ndo ku miaka ya mutolo.

Kutuhuka 20:16

Kanda ukatayila mahuza mwenyembo we.

Yishima 20:22

Kanda uamba ngwe, Munguhilwisa yipi. Twaminyina Yehova mba makulamwina.

Alevi 19:34

Njize yoze hatunga ni yenu mapwa ngwe mwenyembo hakachi kenu. Munumuzanga ngwe nwakulizanga yenwene, mumu ni yenu nwapwile njize mu chifunchi cha Engitu. Yami Yehova Zambi yenu.

Mateu 19:16

Mba umwe wejile kuli iye, ngwenyi, Longeshi mupema, chuma chipema chika mungulinga hanga ngukapwe ni mwono wa mutolo?

Mateu 19:19

Lemesa tatenu ni noko, uzange mwenyembo we chizechene ngwe wakulizanga yena mwene.

Yoano 13:34

Shimbi yaha ngunanweheyo, ngwami, Nukalizange umwe ni mukwo ni mukwo; chizechene ngwe yami hingunanuzange, ni yenu nawa nukalizange umwe ni mukwo ni mukwo.

Yilinga 16:28

Alioze Paulu wakololokele ngwenyi, Kanda ulilinga chipi, mumu yetu eswe muno mutuli.

A-ROMA 12:17

Kanda nufwetesa niumwe yipi ha yipi. Fupenu yuma yilemu kumeso ja atu eswe.

A-ROMA 12:19

Kanda nulikalila milonga yenwene, akwetu a zango, alioze lisekulenu ha utenu: mumu chinasonewa ngwo, Kukala nichami, yami kumungufwetesa, chocho anambe Mwene.

A-ROMA 13:4

Mumu iye kavumbi ka Zambi kuli yena ha yipema. Alioze kachi mulinga yipi, ivwa woma, mumu kambachile katana chamokomoko: mumu iye kavumbi ka Zambi, mukwa kukala mumu ha utenu kuli yoze wakulinga yipi.

A-ROMA 13:9

Mumu ngwo, Kanda ulinga utanji; kanda ushiha; kanda wiya; kanda ushindakenya mahuza; kanda wivwa kuzo; nyi kachi liji likwo lia shimbi liliko, linasu mu liji lino ngwo, Uzange mwenyembo we chizechene ngwe unalizange yena mwene.

Galashia 5:14

Mumu shimbi yeswe yinamanunuka mu liji limuwika, ngwo, Ukazange mwenyembo we ngwe unalizange yena mwene.

Galashia 5:20

ni kukombelela mahamba, ni kupanda, ni kole, ni vunda, ni ukwa, ni ufwatulo, ni kulipula, ni kulimanangana, ni kulihandununa,

Efesu 4:31

Usasu weswe, ni ufwatulo, ni utenu, ni zungo, ni kutukana, yimbilenu, hamwe ni uhuka weswe.

Shimbi 32:25

Haze mafwa ni katana, mu mazuwo mukupwa mwongo nikwonwona mukweze ni mwana-pwo, ni mwana unamu, ni lunga wa kambu jitoma.

Shimbi 32:35

Kukala nichami, ni kufweta nawa ha tangwa lize malimbuka. Mumu tangwa lio lia kuji-ni-tomo hakamwihi lili. Yuma yize muyiawana, yinakundama fuji.

Kolosu 3:8

Alioze haliapwila mbilenu yino yuma yeswe; ni utenu, ni ufwatulo, ni uhuka, ni kushililika, ni kuhanjika cha sonyi mu makanwa jenu.

Hebreu 10:30

Mumu kutunamunyingika yoze wambile ngwenyi, Kukala nichami, yami kumungukafwetesa, chocho anambe Mwene; cheka nawa ngwenyi, Mwene kumakapatwila atu jenyi.

Tiangu (Jake) 2:8

Alioze kachi nwakulinga shimbi ya ku wanangana nikulita ni Chisoneko ngwo, Ukazange mwenyembo we ngwe wakulizanga yena mwene, kachi nwakulinga kanawa.

1 Petulu 2:1

Kashika, mbilenu uhuka weswe, ni tulimbalimba eswe, ni ulembekese, ni lufwachinda, ni kuhanjika chipi.

1 Yoano 4:21

Ni shimbi yino tuli nayo ya kuli iye, ngwo, yoze wakuzanga Zambi, akazange ndumbwenyi nawa.