Alevi 19:16 - MUKANDA USANDU WA ZAMBI 1975

¹⁶ Kanda nwendangana ni saki hakachi ka atu jenu. Kanda numanyina manyinga a mukwenu. Yami Yehova.

Mukanda Wa Zambi 1970

¹⁶ Kanda ulamikiza mutu niumwe. Kanda ushindakenya mahuza hali mutu niumwe kumushiha. Yami nguli Mwene Zambi.

Alevi 19:16 Iomraidhean Croise

Jobe 17:5

Yoze malamikiza masepa jenyi hanga akazuke chihanda cha upite wo, meso ja ana jenyi kumakatuma.

Miaso (Masamu) 101:5

Mweswe malamikiza mukwo ku tenga mungunwonwona. Yoze uli ni meso a kulizata, ni mbunge ya kulengumuka chichi kumutayiza.

Miaso (Masamu) 15:3

Yoze keshi kulamikiza ni limi lienyi; keshi kulinga chipi kuli sepa lienyi; keshi kwanda luchoko ha kutwala kuli mwenyembo wenyi.

Miaso (Masamu) 50:20

Watwama nikuhanjika cha kulimika ni yoze wasemuka nenyi; wakulamikiza mwana wa noko yoze wakusemene.

Kutuhuka 20:16

Kanda ukatayila mahuza mwenyembo we.

Kutuhuka 23:1

Kanda ukambulula saki. Kanda ukalifutula ni yingulungulu kupwa chela cha uhenge.

Kutuhuka 23:7

Usosoloke kusuku ni chuma cha mahuza. Kanda ukashiha mukwa kusamba chipwe mukwa ululi, mumu ami chichi kusambisa yingulungulu.

Yishima 10:18

Yoze masweka kole kali ni kanwa lia mahuza; mukwa kulamikiza iye chihepuke.

Yishima 11:13

Mukwa kwendangana ni kalundanganyishi kakusolola yuma yize yahengama; alioze mukwa Spiritu ya kushishika kakusweka chikuma.

Yishima 20:19

Mweswe mendangana ni kalundanganyishi masolola yuma ya kuhengeka, kashika kanda uliendela ni mukwa kupepieka ni mivumbo yenyi.

Jeremia 6:28

Eswe anapu akwa kukolema a pami, nikwenda ni kulamikiza Kapwa ngwe unengu ni utale, eswe kanalingi ni ungulungulu.

Jeremia 9:4

Mutu mweswe akanyame ni mwenyembo wenyi, niumwe kanda afuliela mwanakwo. Mumu mwanakwo mweswe kapwa mukwa kanjiliji, ni mwenyembo mweswe kanende ni kulamikiza.

Ezekiel 22:9

Muli yena kwali malunga akwa kulamikiza hanga akamwange manyinga, ni malunga akwa kulila ha milundu, ni malunga akwa kulinga luchisa.

Mateu 27:4

Ngwenyi, Hingunavulumuna mumu hingunakunjika manyinga a kusamba. Alioze o ambile ngwo, Acho chika kuli yetu? Chitale yena mwene.

Shimbi 27:25

Kashingiwa mutu yoze matambula chindo hanga ashihe mukwa kusamba. Atu eswe até ngwo, Amene.

1 Timoteu 3:11

Mapwo chizechene hi akwa levelia ko, hi yilamikiji ko, akwa kukeyela, amwenemwene ha yuma yeswe.

2 Timoteu 3:3

keshi zango lia atu, keshi kuhutuka, yilamikiji, keshi kusúla, asasu, keshi kufwila yipema,

Titu 2:3

Makulwana ja mapwo chizechene akalinge ngwe chatamba asandu, hi yilamikiji ko, hi akwa kunwa vinyu vinji ko, akapwe alongeshi ja yuma yipema;

1 Petulu 2:1

Kashika, mbilenu uhuka weswe, ni tulimbalimba eswe, ni ulembekese, ni lufwachinda, ni kuhanjika chipi.

1 Samuel 24:10

Ngwami musono meso jenu hamona chize Yehova wanukujikanga mu moko jami mu chivwenge. Amwe angushinjikanga ngunushihe, alioze chanushihile. Nambanga ngwami, Chichi kwolola kwoko liami kulimika ni mwene wami mumu hanamuwayisa kuli Yehova.