Alevi 19:15 - MUKANDA USANDU WA ZAMBI 1975

¹⁵ Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Mukanda Wa Zambi 1970

¹⁵ “Kanda ubatula milonga ni uhenge chibwe ni katonde. Kanda ulemesa pichi ni kulelesa chiswale.

Alevi 19:15 Iomraidhean Croise

Jobe 13:8

Munumuvwila katonde? Te Zambi munuhakwila?

Jobe 32:21

Chichi kupwa ni katonde kuli niumwe; chichi kupepieka niumwe.

Jobe 34:19

Iya keshi ni katonde kuli akwa kuyula? Iya kalemesene pichi kuhiana chiswale mumu eswe yitanga ya moko jenyi?

Miaso (Masamu) 82:2

Ndo mwiji muka munupatula ni uhenge nikulemesa mijimba ya yingulungulu?(Litulike.)

Kutuhuka 18:21

Chikwo nawa ukalitalile malunga yitakame a kuli atu, a kuvwila woma Zambi, malunga amwenemwene, a kuvwila lwaji chipululu. Ukaapwise miata jo; akapwe akwa kuyula tununu twa atu, akwa kuyula makulakaji, akwa kuyula makumi atano, akwa kuyula kumi lia atu.

Yishima 18:5

Kupwa ni katonde kuli chingulungulu kuchapemene; chipwe kuhisa mukwa ululi ha upatwilo.

Yishima 24:23

Yino nawa yambo ya mukwa mana. Kupwa ni katonde ha kupatula, kuchapemene.

Yishima 31:9

Pakula kanwa lie ukapatule ni ululi; ukapatwile yiswale ni akwa kuhona.

Alevi 19:35

Kanda nupatula ni uhenge, chipwe ni kweseka cha kusuha, hanji pezu, hanji kwalula.

Yoano 7:24

Kanda nukapatula nikulita ni meso jenu, alioze patulenu upatwilo wa ululi.

Yilinga 23:3

Hohene Paulu wambile kuli iye ngwenyi, Zambi kumakakulamba, yena unapu ngwe yishimi ya kutomesa ni pemba; yena kumanyi, unatwama ukangusopese nikulita ni shimbi, mba nikutangula shimbi unambe angulambe, nyi?

Shimbi 1:17

Kanda nupwa ni katonde ha kupatula. Nupanjike akepe ni anene chizechene. Kanda nupwa ni woma wa meso ja mutu, mumu upatwilo wa mbala wa Zambi. Chikuma chikalu naye hali yenu nungunehenecho. Munguchipanjika.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

Shimbi 16:19

Kanda nuhengesa upatwilo; kanda nupwa ni katonde; chipwe kanda nutambula chindo, mumu chindo kuchapupuchisa meso ja mukwa mana, kuchahengesa chikuma cha mukwa ululi.

Shimbi 27:19

Kashingiwa mutu yoze mahengesa upatwilo wa chilambala, ni wa shiwa, ni wa twamishi. Atu eswe até ngwo, Amene.