Alevi 19:13 - MUKANDA USANDU WA ZAMBI 1975

¹³ Kanda nupinjisa mukwenu hanji kumupupa. Fweto ya ngamba kanda yitwama mu kwoko lie ndusu ufuku ndo chimene.

Mukanda Wa Zambi 1970

¹³ “Kanda ulaka mukwenu, chibwe kwiya yuma yenyi. Kanda usweka fweto ya akwa mulimo je ndoo hamene.

Alevi 19:13 Iomraidhean Croise

Jobe 17:5

Yoze malamikiza masepa jenyi hanga akazuke chihanda cha upite wo, meso ja ana jenyi kumakatuma.

Jobe 31:39

nyi kachi hinalia mbuto yaho ni kufweta ka, hanji nashiha waze ayipichile,

Jobe 7:2

Aye kapwa ngwe ndungo yoze kanatalatala chihuhumuke, ngwe ngamba yoze unatalatala fweto yenyi.

Kutuhuka 20:15

Kanda ukeya.

Kutuhuka 22:13

Nyi hapapuluka yipinji akamuhetese ha yela. Kanda akafweta yoze wapapuluka.

Kutuhuka 22:15

Kachi mwe kako mapwa hamwe nenyi, kanda akamuhilwishila weka. Kachi wapwa wa fweto, kejilanga fweto yenyi.

Kutuhuka 22:21

Kanda ukalinga chipi kuli njize chipwe kumumwesa lamba, ka. Mumu yenu nwapwile njize mu chifuchi cha Engitu.

Kutuhuka 22:7

Kachi mutu makunjika kuli mwenyembo wenyi mbongo hanji yikumba akayitulike, mba mamwiyayo ku zuwo lia mwe mutu, nyi mawana mwiji, akafwete kaali.

Yishima 20:10

Pezu jeka ni jeka, ni njongo jeka ni jeka, jeswe jiali japwa chizelwokeso kuli Yehova.

Yishima 22:22

Kanda wiya kuli chiswale mumu kapwa chiswale; kanda upinjisa mukwa kuyindama mu chikolo cha limbo,

Yishima 3:28

Nyi uli nacho, kanda wamba kuli mukwenu ngwe, Yako ukeze cheka nawa; hamene mungukwahacho.

Jeremia 22:13

Lamba kuli yoze matunga zuwo lienyi ni uhenge, ni yipatulo yenyi ya kwilu ni upatwilo uze kuwalitele. Yoze wakulingisa mwenyembo wenyi milimo yawana, kamuhele fweto yenyi.

Jeremia 22:3

Yehova kanambe ngwenyi, Patulenu nikulita; lingenu ululi, pululenu ku kwoko lia mukwa kupinjisa yoze hamwiya. Kanda nulinga uhenge hanji upupilo kuli chilambala, hanji mwana-shiwa, hanji tuliwa, kanda numwanga muma muno manyinga ja waze keshi chitela.

Ezekiel 18:7

keshi kupinjisa niumwe alioze kakuhilwisa tombo kuli mukwa kutambula mukuli; keshi kwiya alioze kakuhana mbolo yenyi kuli akwa zala; kakujika akwa uselesele,

Ezekiel 22:12

Hakachi kenu atu matambula chijiko akamwange manyinga. Nwakutambula mbwezo ni upite, ni kufumbula kuli enyembo jenu ni mbenga, ni yami hinwanguvulama. Chocho kanambe Mwene Yehova.

Ezekiel 22:29

Atu a mu chifuchi hafwetesa atu ni mbenga ni kwiya yuma. Hapinjisa yiswale ni akwa kuhona; hafwetesa njize, ni yoze maakwasa wakuhi.

Alevi 25:14

Nyi mula njisa kuli mukwenu hanji mulanda kuli iye kanda ulilaka.

Alevi 25:17

Kanda nulilaka umwe ni mukwo, alioze pwenu ni woma wa Zambi yenu. Mumu yami Yehova Zambi yenu.

Alevi 6:3

hanji hawana chuma chatokele mba hahanjika mahuza nikulishinga ni mahuza, mu chuma cheswacho cha yino yeswe mutu malinga nikuvulumuna,

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Mateu 20:8

Muze hapwile chingoloshi, mwenya munda yamba kuli kafufuchi kenyi ngwenyi, Tambika akwa milimo, ukaafwete. Putuka kuli mukwa kusula ndo kuli atangu.

Marku 10:19

Unanyingika maliji a shimbi ngwo, Kanda ushiha, Kanda ulinga utanji, Kanda wiya, Kanda ushindakenya mahuza, Kanda ulaka, Lemesa tatenu ni noko.

Luka 3:13

Iye ngwenyi, Kanda nufwetesa kuhiana chize hananwambe.

1 Tesalonika 4:6

Niumwe kanda ahiana akavulumune ndumbwenyi ha chuma chino: mumu Mwene iye mukwa kukala yino yuma yeswe, chizechene ngwe twanwambulwilile kulu twashindakenyene chikolo.

1 Timoteu 5:18

Mumu chisoneko chinambe ngwo, Kanda ukasa kata ku kanwa lia ngombe muze mazungula mbuto. Chikwo ngwo, Mukwa milimo kanatela fweto yenyi.

Tiangu (Jake) 5:4

Talenu, fweto ya akwa milimo jenu waze hanachi minda yenu, yize nwaalimwine, kuyakuteta; ni miteto ya waze hanachi hiyinanjila mu matwi ja Mwene wa yizavu ya tujita.