Alevi 19:12 - MUKANDA USANDU WA ZAMBI 1975

¹² Kanda nulishinga ni mahuza ku jina liami, nukajilule jina lia Zambi yenu. Yami Yehova.

Mukanda Wa Zambi 1970

¹² Kanda nulishinga ni jina liami ni mahuza chakuneha, sonyi. Yami nguli Mwene Zambi, Zambi yenu.

Alevi 19:12 Iomraidhean Croise

Miaso (Masamu) 15:4

Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

Kutuhuka 20:7

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Izaya 48:1

Panjikenu chino, enu akwa munyachi wa Yakomba, enu hanwaha jina lia Izalele, ni yenu nwasemukine kuli Yunda. Nwakulishinga ni jina lia Yehova, mwakutayiza Zambi ya Izalele, alioze kunwachilingile ni umwenemwene ni ululi.

Jeremia 34:16

Alioze nwalumukine ni kujilula jina liami ha kutambula nawa mutu mweswe ndungo jenyi ja malunga ni a mapwo waze te nwaatuswile nikulita ni mbunge jo, ni kwazeyesa mu undungo wenu.

Jeremia 4:2

nyi munulishinga ngwenu, Ni mwono wa Yehova ni umwenemwene, ni kulita, ni ululi mba mavungu maliwahisa muli iye, ni muli iye nawa malisamba.

Jeremia 5:2

Chipwe akwamba ngwo, Ni mwono wa Yehova, hindu hanalishingi ni mahuza.

Jeremia 7:9

Te nunazange kwiya, ni kushiha, ni kulinga utanji, ni kulishinga ni mahuza, nikwochela Mbale insensu, ni kukaula mazambi eka kunwaanyingikine,

Alevi 18:21

Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Alevi 20:3

Yami mwene mungusa meso jami a kulimika ni mwe lunga, mungumuteta hakachi ka atu jenyi mumu hahana umwe mwanenyi kuli Moleke nikuchisa kuma kwami kusandu nikujilula jina liami lisandu.

Alevi 24:11

Mwana wa lunga wa pwo Ka-Izalele yashililika lie Jina, ha kutukana. Yamutwala kuli Mose. Jina lia naye Shelomite, mwana wa Ndibri, wa ku vungu lia Ndane.

Alevi 6:3

hanji hawana chuma chatokele mba hahanjika mahuza nikulishinga ni mahuza, mu chuma cheswacho cha yino yeswe mutu malinga nikuvulumuna,

Zakaria 5:3

Henaho yamba kuli yami ngwenyi, Lie shingo lienalio linayi chifuchi cheswe, mumu kulutwe mweswawo meya chuma mamusuma nikulita ni mukanda, ni mweswawo malishinga ni mahuza mamusutula nikulita nawo.

Zakaria 5:4

Yehova-wa-Tujita kanambe ngwenyi, Munguutuma mba muunjila mu zuwo lia mwiji, ni mu zuwo lia mukwa kulishinga ni mahuza ni jina liami, mba muutwama mu zuwo lienyi nikulilia lieswe, ni mitondo ni mawe.

Malaki 3:5

Mba mungukakundama kuli yenu ha upatwilo. Mungupwa chela keshi kulaluka wa kuhisa yimbanda, ni yitanji, ni akwa kulishinga ni mahuza, ni waze akwiya fweto kuli mukwa milimo, ni tuliwa, ni shiwa, ni waze akukapula njize, kanguvwilile woma. Chocho kanambe Yehova-wa-Tujita.

Shimbi 5:11

Kanda ukavuluka ni mahuza jina lia Yehova Zambi ye, mumu Yehova kechi kusambisa yoze mavuluka ni mahuza jina lienyi.

Tiangu (Jake) 5:12

Alioze kuhiana yuma yeswe, mandumbu jami, kanda nulishinga, chipwe ni lilu, chipwe ni hashi, chipwe ni shingo likwo nilimwe: aiioze “ewa” yenu yikapwe “ewa”, ni “ka” yenu yikapwe “ka”; hanga kunuchi kulimbukila mu upatwilo.