Alevi 19:11 - MUKANDA USANDU WA ZAMBI 1975

¹¹ Kanda nwiya. Kanda nwonga. Kanda nuhanjika mahuza umwe kuli mukwo.

Mukanda Wa Zambi 1970

¹¹ “Kanda wiya. Kanda wonga. Kanda uhanjika mahuza.

Alevi 19:11 Iomraidhean Croise

2 Samuel 17:20

Ngamba ja Absalome yaya kuli pwo ku zuwo, yamba ngwo, Ahimaze ni Jonatas kuli ali? Pwo yamba kuli ayo ngwenyi, Hanazauka kulu kachitwetwe. Yaafupa, kaawanyine, kashika yahiluka ku Yerusaleme.

1 Yitanga Ya Mianangana 13:18

Iye yamukumbulula ngwenyi, Ni yami nawa nguli profeta ngwe yena, mba umwe mungelo hangwamba ni liji lia Yehova ngwenyi, Munehe hamwe ni yena ku zuwo lie akalie mbolo akanwe meya. Alioze te kanamwongo.

Miaso (Masamu) 101:7

Yoze malinga yuma ya kwonga kechi kutwama mu zuwo liami. Yoze mahanjika mahuza kechi kukola kumeso jami.

Miaso (Masamu) 116:11

Ha kulipupula nambile ngwami, Atu eswe akwa mahuza.

Kutuhuka 20:15

Kanda ukeya.

Kutuhuka 20:16

Kanda ukatayila mahuza mwenyembo we.

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Kutuhuka 22:1

Kachi mutu meya ngombe hanji panga mba mamushiha chipwe mamulanjisa, iye akafwete ngombe atano ha ngombe umuwika. Mapanga awana ha panga umuwika.

Kutuhuka 22:7

Kachi mutu makunjika kuli mwenyembo wenyi mbongo hanji yikumba akayitulike, mba mamwiyayo ku zuwo lia mwe mutu, nyi mawana mwiji, akafwete kaali.

Kutuhuka 23:1

Kanda ukambulula saki. Kanda ukalifutula ni yingulungulu kupwa chela cha uhenge.

Yishima 24:28

Kanda upwa chela wa kuhisa mukwenu chitela chakuhi; kanda wonga ni mivumbo ye.

Jeremia 6:13

Mumu chize kuli mukepe hakachi ko ndo kuli alemu eswe kali ni chipululu cha kufumbuka cha uhenge, ni chize kuli profeta ndo kuli sasendote, eswe kakulinga ni mahuza.

Alevi 19:10

Kanda nuhela uva yenu hululu, chipwe uva yize yaholokela hashi kanda nukayanda. Munuyihichikila chiswale ni njize. Yami Yehova Zambi yenu.

A-ROMA 3:4

Ka, pundu; alioze Zambi apwe wamwenemwene, ni atu eswe akapwe akwa mahuza, ngwe chinasonewa ngwo, Hanga ukasambe ni maliji je, ni hanga ukakumbe muze makupatwila.

Efesu 4:25

Kashika nikumbila mahuza, hanjikenu umwenemwene mweswe ni mwenyembo wenyi; mumu tuli yihanda yimwe ya mukwo.

Efesu 4:28

Yoze weyile kanda akeya nawa; alioze Shinaho akakilikite, akalinge yipema ni moko jenyi, hanga akapwe ni chize cha kulianyina ni yoze mahona.

Shimbi 5:19

Kanda ukeya.

Kolosu 3:9

Kanda nuhanjika mahuza umwe kuli mukwo; se hinunazula mutu mukulu hamwe ni yilinga yenyi,

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

Usolwelo 21:8

Alioze hali akwa mwongo, ni waze keshi kufuliela, ni akwa kuzelwokesa, ni yingalwe, ni yitanji, ni akwa kupanda, ni akwa kukombelela mahamba, ni akwa mahuza eswe, chihanda cho kumuchikapwa mu Chitende chize cha kuyila ni kahia ni fundanga, chenacho che kufwa chamuchiali.