Alevi 19:10 - MUKANDA USANDU WA ZAMBI 1975

¹⁰ Kanda nuhela uva yenu hululu, chipwe uva yize yaholokela hashi kanda nukayanda. Munuyihichikila chiswale ni njize. Yami Yehova Zambi yenu.

Mukanda Wa Zambi 1970

¹⁰ Kanda nuhela vinyu yeswe, chibwe yize yinaholoka hashi, kanda nuyitongwona. Nuyihichika mumu hali yiswale ni yilambala. Yami nguli Mwene Zambi, Zambi yenu.

Alevi 19:10 Iomraidhean Croise

Izaya 17:6

Mbuto yimwe muyilisalaho, ngwe muze masunga mutondo wa olevwe— mihuko yiali hanji yitatu ha masongo a mitango ya kwilu; yiwana hanji yitano ha mitango ya mutondo wa mihuko. Chocho kanambe Yehova Zambi ya Izalele.

Izaya 24:13

Mumu chocho muchikapwa hashi hakachi ka mavungu, ngwe mutondo wa olevwe muze maunyika, ha mwaka wa kwandanda muze te hamana kucha.

Jeremia 49:9

Nyi akwa kuhela uva meza kuli yenu te kechi kuhichika masalila? Nyi eji meza ha ufuku, ngwami, Meya chize mahasa kuzuka ene.

Alevi 11:44

Mumu yami Yehova Zambi yenu, kashika munukalihandununa nukalisele ku usandu, se ni yami nguli musandu. Kanda nukalichisa ni kashitu niumwe mukwa kulikoka ha mavu.

Alevi 19:11

Kanda nwiya. Kanda nwonga. Kanda nuhanjika mahuza umwe kuli mukwo.

Alevi 19:25

Alioze ha mwaka wamuchitano munukalia mihuko hanga yikeme ya kulumbama kuli yenu. Yami Yehova Zambi yenu.

Alevi 19:9

Muze munukacha mbuto ya mu chifuchi chenu kanda nukacha mu minda yenu ndusu ndo ku njiza. Chikwo nawa kanda nukahuhujola yize yinasala ha kucha.

Alevi 23:22

Muze munukacha mbuto ya mu chifuchi chenu kanda nukacha mu minda yenu ndusu ndo ku njiza. Chikwo nawa kanda nukahuhujola yize yinasala ha kucha. Munuyihichika kuli yiswale ni njize. Yami Yehova Zambi yenu.

Alevi 25:6

Sambata ya chifuchi muyipwa ya kulia kuli yenu; kuli yenu, ni kuli ndungo ja malunga ni a mapwo, ni kuli ngamba jenu, ni kuli njize yoze watwama ni yenu,

Obadia 1:5

Hakwenyeka Chichize! Nyi kachi eji ejile kuli yena, kachi yingumba ha ufuku, kachi heya ndo hayuka, kunahu. Nyi kachi akwa kuhela uva, kachi hahichika yimwe ya kuhuhulula.

Mika 7:1

Lamba liami mumu hinapwa ngwe muze mihuko ya lwiza hayihela; muze uva hayihela, kukushi chichakata cha kulia, chipwe kuyu litangu kuhia, lize mbunge yami yakuzanga.

Shimbi 24:19

Ha kucha mbuto jenu mu munda, nyi munuvulama chichita chimwe mu munda, kanda nuya nawa nuchisake, chikapwe cha yilambala, cha shiwa, cha twamishi, hanga Yehova Zambi yenu akanuwahise mu milimo yeswe ya moko jenu.

Shimbi 24:20

Ha kuhulula mutondo wenu wa olevwe, kanda nuhuhujola, yikapwe ya yilambala, ya shiwa, ya twamishi.

Shimbi 24:21

Ha kuhela uva ja mu munda wenu wa uva kanda nukahiluka ni kuhuhujola, yikapwe ya yilambala, ya shiwa, ya twamishi.

Akwa Kuyula 8:2

Iye yaakumbulula ngwenyi, Ami yika nalinga ha kucheseka ni chize nwalinga yenu? Masalilo a uva ja A-Eframe kahianyine che kucha cha uva ja A-Abieza, nyi?

Rute 2:2

Mba Rute mwe Ka-Moape yamba kuli Noemi ngwenyi, Ngutayize kama kuya ku munda nikuhuhujola hakachi ka mbuto kunyima lia yoze manguvwila vumbi. Yamba kuli iye ngwenyi, Yako mwanami.