Alevi 18:5 - MUKANDA USANDU WA ZAMBI 1975

⁵ Kashika munufunga yiyulo yami ni shimbi jami. Ha kulinga chocho mutu matwama ni mwono. Yami Yehova.

Mukanda Wa Zambi 1970

⁵ Fungenu Shimbi jami ni yiyulo yami. Nyi nwachilinga, munulamwina mwono wenu. Yami nguli Mwene Zambi.”

Alevi 18:5 Iomraidhean Croise

Nehemia 9:29

Waashindakenyene Ukaahilwise nawa ku shimbi je. Hindu alengumukine; kapanjikile ku shimbi je; avulumwine upatwilo we (nyi mutu maukaula matwamamo ni mwono), asekwile yipaya yo, akwachile pami, kasolo kupanjika.

Kutuhuka 6:2

Zambi yahanjika ni Mose, ngwenyi, Yami Yehova.

Kutuhuka 6:29

Yehova yamba kuli Mose ngwenyi, Yami Yehova. Hanjika ni Falau mwanangana wa Engitu chize cheswe ngunambe kuli yena.

Kutuhuka 6:6

Kashika amba kuli A-Izalele ngwe, Iye Yehova. Kumakanuchiza kushi lia yiteli ya A-Engitu; makanupulula ku upinji wo; makanukula ni kwoko lia kwolola ni yitanga yinene ya upatwilo.

Izaya 55:3

Neha twitwi lie, wize kuli yami. Panjika, mbunge ye yikatwame ni mwono. Mungukolesa ni yena usendo wa mutolo, utu wami wa zango ukolo kuli David.

Ezekiel 18:9

kakwenda nikulita ni yiyulo yami; hatala kanawa akafunge shimbi jami—mukwa ululi mwenawo, aye kumakatwama ni mwono. Chocho kanambe Mwene Yehova.

Ezekiel 20:11

Yingwaaha yiyulo yami ni kwalweza shimbi jami jize mutu matwama ni mwono ha kujifunga.

Ezekiel 20:13

Alioze akwa munyachi wa Izalele yangukatukila mu puya; kendele mu yiyulo yami, yalituna shimbi jami jize mutu matwama ni mwono ha kujifunga. Masambata jami aajilwile chikolo. Yingunyonga kwazukwila ufwatulo wam mu puya ngukaamanunune lume.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Alevi 18:6

Niumwe hakachi kenu makundama kuli umwe usoko wenyi wa ha muchima akamufukule. Yami Yehova.

Malaki 3:6

Mumu yami Yehova chishi kwalumuka, kashika enu ana ja Yakomba kanunongesele.

Mateu 19:17

Yesu wambile kuli iye ngwenyi, Kuchi te unanguhula ha kutwala ku chipema? Kwali umuwika mupema: alioze kachi unazange kunjila mu mwono, funga maliji a shimbi.

Luka 10:28

Wambile kuli iye ngwenyi, Kwakumbulula kanawa; chino linga ukatwame ni mwono.

A-ROMA 10:5

Mumu Mose kanasoneka ngwenyi Mukwa kulinga ululi uze wa ku shimbi kumakapwa ni mwono nawo.

A-ROMA 7:10

shimbi yapwile ya kuneha mwono, nawanyine ngwe yaneha kufwa:

Galashia 3:12

Hindu shimbi hi ya ku Ufulielo ko; alioze yoze wakuyilinga kumapwa ni mwono ku yiyo.

Shimbi 30:20

Mukuzanga Yehova Zambi yenu, mukuzeya ku liji lienyi, mukumulalaminya, mumu iye mwono wenu, ni kwoka cha matangwa jenu, hanga nutwame mu chifuchi Yehova walishingile kuli tulamba twenu, kuli Apalahama, ni kuli Izake, ni kuli Yakomba, akaahecho.

Shimbi 30:6

Yehova Zambi yenu makanupwisa ngalami ku mbunge jenu, ni mbunge ja ana jenu, nukazange Yehova Zambi yenu ni mbunge jenu jeswe, ni alma jenu jeswe, hanga nutwame ni mwono.

Shimbi 4:1

Enu A-Izalele panjikenu ku yiyulo ni ku upatwilo ngunanulongesa, nuyilinge, hanga nupwe ni mwono, nunjile ni kuzuka chifuchi Yehova Zambi ya tulamba twenu ananwehecho.