Alevi 18:3 - MUKANDA USANDU WA ZAMBI 1975

³ Kanda nulinga yize akulinga mu chifuchi cha Engitu kuze nwatwamine. Kanda nulinga yize akulinga mu chifuchi cha Kanana kuze ngunanutwala. Kanda nwenda mu yiyulo yo.

Mukanda Wa Zambi 1970

³ Kanda nwimbulula yize akulinga akwa Egiptu, kuze nwabwile, hanji yize akulinga akwa Kanana, kuze ngunanutwala haliabwila.

Alevi 18:3 Iomraidhean Croise

1 MIANANGANA 17:8

henda mu shimbi ja mavungu aze Yehova hahuma kumeso ja A-Izalele. Henda nawa mu shimbi jize mianangana ja Izalele akolesele.

Miaso (Masamu) 106:35

Alioze alichingile ni mavungu nikulilongesa yitanga yo.

Kutuhuka 23:24

Kanda ukafukama kuli tuzambi two chipwe kwalingila, ka, chipwe kanda ukalinga nikulita ni yitanga yo alioze ukaapuzule liakulu. Ukapalwole yipinji tuponya two.

Ezekiel 23:8

Kambilile ukoi wenyi uze te halinga chize ku matangwa jenyi mu Engitu. Mumu shimbu achili mwana-pwo malunga hapomba nenyi, ni kukwatakwata mele jenyi ja *uvirgem, ni kuzukula hali iye usolo wo.

Alevi 20:23

Kanda nwenda mu ndako ja vungu lize ngunambila kumeso jenu. Mumu o alingile yino yuma yeswe kashika naavwilile lwaji.

A-ROMA 12:2

Kanda nulitesa ni mwakono, alioze alumukenu ku kupwisa chaha cha kunyonga chenu, hanga nukase chinyingi chize wapwa upale upema ni ungunu wa Zambi ni uze wamupemena.

Shimbi 12:4

Kanda nulinga chocho kuli Yehova Zambi yenu.

Shimbi 29:17

Nwamwene yizelwokeso yo, ni mahamba jo a mitondo ni a mawe, ni a prata, ni a oru, japwile hakachi ko.

Shimbi 9:4

Ha kwahuma kumeso jenu kuli Yehova Zambi yenu, kanda nuhanjika mu mbunge jenu ngwenu, Mumu ha ululi wetu Yehova hanatuhetesamo mukuzuka chifuchi chino, alioze Yehova kanaahumu kumeso jenu mumu ha ungulungulu wa mavungu ano.