Alevi 18:25 - MUKANDA USANDU WA ZAMBI 1975

²⁵ Chocho chifuchi hachichisa mba hinaalambila uhenge wacho. Chifuchi hichasaza waze atwamamo.

Mukanda Wa Zambi 1970

²⁵ Yitanga yo hiyinabihisa chifuchi. Kashika Mwene Zambi hanamwesa che chifuchi lamba, hanga chisaze atu waze atwama mo.

Alevi 18:25 Iomraidhean Croise

1 Yitanga Ya Mianangana 21:26

Walingile cha kuzelwokesa chikolo ha kukaula tuponya nikulita ni yize yeswe alingile A-Amore aze Yehova wambilile kumeso ja A-Izalele.

Ezra 9:11

jize watumine kuli tuvumbi twe aprofeta ngwe, Chifuchi chize nunayi kutambula, chifuchi cha luchisa mumu ha luchisa wa atu a yifuchi, ni yizelwokeso yo yize hiyachizalisa ni luchisa, chize ku songo limwe ndo ku songo likwo.

Miaso (Masamu) 106:38

Amwangine manyinga aze keshi chitela, chipwe manyinga ja anó a malunga ni a mapwo, waze alambwile yitapo ku tuponya twa A-Kanana. Chifuchi cheswe chapihile ni manyinga.

Miaso (Masamu) 89:32

Mba mungukanjisa Utanguko wo ni mbwechi, uhenge wo munguukanjisa ni mijiji.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Izaya 26:21

Mumu Yehova kanakatuka kuma kwenyi, kaneza akafwetese akwa hashi mumu ha uhenge wo. He hashi muhafukula manyinga aze hamwangaho, kuhechi kafuka nawa waze afwileho.

Jeremia 14:10

Ha kutwala kuli wano atu Yehova kanambe ngwenyi, Kanazange kwenda chocho, kasulile ku molu jo. Kashika Yehova kaatambwile, haliapwila mewuluka uhenge wo maafwetesa milonga yo.

Jeremia 16:18

Mungwafwetesa kaali ha uhenge wo ni shili yo, mumu hanapihisa chifuchi chami ni mijimba ya mahamba jo a luchisa, no hanazalisa chihinga chami ni yizelwokeso yo.

Jeremia 2:7

Nanunehene ndo mu chifuchi cha kulumbama cheswe hanga nukayuke ni mihuko yamo ni yuma yamo yipema. Alioze muze nwanjilile nwachishile chifuchi chami, ni kupwisa chihinga chami chuma cha lwaji.

Jeremia 23:2

Kashika ha kutwala kuli tufunga waze akufunga atu jami Yehova Zambi ya Izalele kanambe ngwenyi, Enu hinwamwanga mapanga jami ni kwahuma. Kunwaasele mbunge. Yami mungunusela mbunge ha yitanga yenu yipi. Chocho kanambe Yehova.

Jeremia 5:29

Kashika Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe Hapwa ngwe lino nyi?

Jeremia 5:9

Yehova kanambe ngwenyi, Te chichi kwalamba mumu ha yino yuma? Chichi kukala milonga ha vungu limwe liapwa ngwe lino nyi?

Jeremia 9:9

Yehova kanambe ngwenyi, Te chichi kwaaha kastigu mumu ha yino yuma? Chichi kukala milonga ha vungu limwe liapwa ngwe lino nyi?

Hosea 2:13

Mungukamwaha kastigu mumu ha yiwanyiho ya Ambale muze aochelele insensu, nikuliwahisa ni tuzeya ni yuma ya uhenya nikukaula akwa zango lienyi nikunguvulama yami. Chocho kanambe Yehova.

Hosea 8:13

Ha kutwala ku yitapo ya milambu yami, o kakushiha yifwo ni kuyilia, alioze Yehova kuyamupemenene. Haliapwila mewuluka uhenge wo, maaha kastigu ya milonga yo; makahiluka ku Engitu.

Hosea 9:9

Hanalichisa chikolo, ngwe ha matangwa ja Ngibia. Iye kumakewuluka uhenge wo; kumakafwetesa milonga yo.

Alevi 18:26

Alioze yenu fungenu yiyulo yami ni shimbi jami. Kanda nulinga yuma yo ya kuvwisa lwaji, chipwe mwenyembo, chipwe njize yoze watwama hakachi kenu.

Alevi 18:28

Kuchina chifuchi muchinusaza ha kuchichisa, ngwe chaasajile ayo akwa vungu lize nwawanyine.

A-ROMA 8:22

Mumu tunanyingika yuma yeswe ya kutanga kuyakutwa mikuma ni yikola hamuwika ndo haliapwila.

Shimbi 18:12

Mweswawo malinga yino yuma iye chizelwokeso kuli Yehova; mba mumu ha yitanga yino ya kuzelwokesa Yehova Zambi yenu kanahumu kumeso jenu akwa chifuchi.

Shimbi 21:23

mujimba wenyi kanda usala ku mutondo ufuku weswe. Numufunde tangwa lioliene, mumu mutu wasukama ku mutondo kapwa shingo lia Zambi, kuchina munuchisa chifuchi chenu Yehova Zambi yenu ananwehecho chikapwe chihinga.

Shimbi 9:5

Hi ha ululi wenu ko, ka, hanji ha kululama cha mbunge jenu, nunahetemo, ni kuzuka chifuchi cho; alioze mumu ha ungulungulu wa mavungu ano, Yehova Zambi yenu anaahumu kumeso jenu, hanga akakolese liji lize alishingililelio Yehova kuli tulamba twenu, te kuli Apalahama, ni kuli Izake, ni kuli Yakomba.