Alevi 18:21 - MUKANDA USANDU WA ZAMBI 1975

²¹ Kanda uhana niumwe wa ana je akaatambule mu kahia kuli Moleke, ukajilule chocho jina lia Zambi ye. Yami Yehova.

Mukanda Wa Zambi 1970

²¹ Kanda ulambula mwane niumwe kuli zambi Moleke. Nyi ka, kuwatuka Mwene Zambi, Zambi ye.

Alevi 18:21 Iomraidhean Croise

1 Yitanga Ya Mianangana 11:33

Munguchilinga mumu hanangwehuka akawayile Asatarote zambi ya A-Sendone, ni Chemoshe zambi ya Moape, ni Milikome zambi ya A-Amone. Kendele mu majila jami kulinga chize changupemena, nikufunga yiyulo yami ni upatwilo wami ngwe tato David walingile.

1 Yitanga Ya Mianangana 11:7

Henaho Solomone yatunga nangamo hali Chemoshe che chizelwokeso cha A-Moape mu mulundu kulutwe lia Yerusaleme, ni hali Moleke che chizelwokeso cha A-Amone.

1 MIANANGANA 16:3

Wendele mu ndako ja mianangana ja Izalele, chipwe mwanenyi wa lunga wamupalikishile mu kahia nikulita ni yizelwokeso ya mavungu aze Yehova wakatwishile kumeso ja A-Izalele.

1 MIANANGANA 17:31

A-Avime alingile Nibahaze ni Tarataka. A-Sefavaime ochele ana jo mu kahia kuli Adramaleke ni Anamaleke mazambi ja A-Sefavaime.

1 MIANANGANA 21:6

Wapalikishile mwanenyi wa lunga mu kahia. Watahile ngombo; walingile umbanda; wayile kuli akwa mahamba ni kuli akwa wanga; walingile yipi yinji kumeso ja Yehova kumwihia atenuke.

1 MIANANGANA 23:10

Yachisa nawa Tofete yize yapwile mu chikulo cha A-Hinome hanga niumwe mapalikisa mwanenyi wa lunga hanji wa pwo mu kahia kuli Moleke.

2 Sango Ja Mianangana 28:3

Chikwo nawa wochelele insensu mu chikulo cha mwana Hinome, ni kwocha ana jenyi mu kahia, nikulita ni yizelwokeso ya akwa mavungu waze Yehova wambilile kumeso ja A-Izalele.

Jeremia 19:5

Hatunga manangamo kuli Mbale akalumbe ana jo a malunga mu kahia apwe milambu ya kulumba kuli Mbale. Chuma chino chachitumine, chipwe kuchamba, chipwe mu mbunge yami kuchanjilile.

Jeremia 32:35

Atungile manangamo a Mbale mu mungulunga wa mwana Hinome akalambule ana jo a malunga ni a mapwo kuli Moleke, chuma yami chaatuminecho chipwe kuchinyonga akalinge chuma chino cha kuzelwokesa akavulumwise Yunda.

Jeremia 7:31

Hanatungu nangamo lia Tofete lize lili mu mungulunga wa mwana wa Hinome, akalumbe ana jo a malunga ni a mapwo mu kahia, chuma chachitumine, kuchanjilile mu mbunge yami.

Ezekiel 20:26

Yingwachisa ku yawana yo ha kwakoka kulambula mu kahia atangu jo eswe kusemuka hanga ngukaavwise lwaji. Yinguchilinga hanga akanyingike yami nguli Yehova.

Ezekiel 20:31

Ha kuhana milambu yenu, ni kulambula anenu a malunga mu kahia nwakulichisa ni mahamba jenu eswe ndo musono. Mba mungutá nukanguhule, enu akwa munyachi wa Izalele? Mwene Yehova kanambe ngwenyi, Ni mwono wami, chichi kutá nukahule kuli yami.

Ezekiel 23:37

Mumu halinga utanji ni kali ni manyinga ha moko jo. Halinga utanji ni mahamba jo, mba ana jo aze hinasema no haatenga kulia cha mahamba.

Alevi 19:12

Kanda nulishinga ni mahuza ku jina liami, nukajilule jina lia Zambi yenu. Yami Yehova.

Alevi 21:6

Akapwe asandu kuli Zambi yo. Kanda akajilula jina lia Zambi yo. Mumu o kakulambula milambu ya kahia kuli Yehova, che kulia cha Zambi yo. Kashika akapwe asandu.

Alevi 22:2

Ambulwila Arone ni anenyi a malunga akalihandunune ni yuma yisandu ya A-Izalele yize akungusela, kuchina majilula jina liami lisandu. Yami Yehova.

Alevi 22:32

Kanda nukajilula jina liami lisandu, alioze chatamba kungusela ku usandu hakachi ka A-Izalele. Yami Yehova mukwa kunusela ku usandu.

Alevi 24:15

Amba nawa kuli A-Izalele ngwe, Mweswe matuka Zambi yenyi akambate mulonga wenyi.

Amose 2:7

Wano kakuliachila mitwe ya yiswale mu fufuta ya hashi; kakupiangula jila ya akwa lamba. Lunga ni tato kakupomba ni mwana-pwo umuwika chocho kanajilula jina liami lisandu.

Amose 5:26

Munukambata mwanangana wenu Sakute, ni Kaiwana zambi yenu wa matongonoshi, ni tuponya twenu aze hinwalilingila,

Mika 6:7

Yehova mevwa kuwaha ni tununu twa kuji a mapanga hanji ni kumi lia tununu a njiji ja maji? Munguhasa kuhana mwanami mutangu ha mutonga wami hanji muhuko wa mujimba wami ukafwike shili ya mbunge yami?

Malaki 1:12

Alioze yenu nwakulijilula ha kwamba ngwenu, Mesa ya Yehova hiyapwa ya luchisa, ni kulia chayo mutuhasa kuchilelesa.

Yilinga 7:43

Ewa, nwanjile mbalaka ya Moloko, ni lutongonoshi wa zambi yenu Refwame, tuponya aze nwaatangilemuk wakombelela: kumungukanututulwila kuze-kanda lia Babilonia.

A-ROMA 1:23

Alumwine uhenya wa Zambi, yoze keshi kupola, mu kulifwa cha Chizulie cha mutu wa kupola, ni wa tujita, ni wa tushitu, ni tututu akukalala.

A-ROMA 2:24

Mumu jina lia Zambi kakulishililika hakachi ka akwa mavungu, mumu hali yenu, ngwe chinasonewa.

Shimbi 12:31

Kanda nulinga chocho kuli Yehova Zambi yenu, mumu yizelwokeso yeswe Yehova anayivwila lwaji, o te hanalingi ku tuzambi two; mumu o, chipwe ana jo a malunga ni ana jo a mapwo anaochela kuli tuzambi two.

Shimbi 18:10

Kanda awana kuli yenu niumwe yoze masa mu kahia mwanenyi wa lunga hanji mwanenyi wa pwo, chipwe tahi, chipwe mukwa munanyi, chipwe mukwa kupanda, chipwe chimbanda,