Alevi 17:6 - MUKANDA USANDU WA ZAMBI 1975

⁶ Mwe sasendote akasapwile manyinga ha chilumbilo cha Yehova ku chikolo cha mbalaka ya chikungulwila. E maji akaalumbe akapwe lupembo mupema kuli Yehova.

Mukanda Wa Zambi 1970

⁶ Hako akasapwila manyinga ku mbango jiwana ja chilumbilo chize chili ku chikolo cha zuwo lia Zambi, ni kwocha maji hanga lupembo mubema akawahile kuli Zambi.

Alevi 17:6 Iomraidhean Croise

Kutuhuka 29:13

Ukachize maji eswe ku yingambiangambia yenyi ya muchima, ni maji a ha liayi, ni njiso jiali ni maji jaho, ukayilumbe ha chilumbilo.

Kutuhuka 29:18

Ukalumbe kuji ya panga mweswe ha chilumbilo. Chapwa mulambu wa kulumba kuli Yehova. Lupembo mupema. Mulambu wa kwocha ni kahia kuli Yehova.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Alevi 17:5

hanga A-Izalele akanehe yitapo yo yize akushiha mu chifuchi cha woya akayihane kuli Yehova, kuli sasendote ku chikolo cha mbalaka ya chikungulwila. Akayishihe yitapo ya milambu ya sambukila kuli Yehova.

Alevi 3:11

Sasendote akayilumbe ha chilumbilo, che kulia cha ku mulambu wa kahia kuli Yehova.

Alevi 3:13

Akase kwoko lienyi ha mutwe wa mulambu akamushihe kulutwe lia mbalaka ya chikungulwila. Ana ja Arone akasapwile manyinga jenyi kwa kujingilika ha chilumbilo.

Alevi 3:16

Sasendote akayilumbe ha chilumbilo, che kulia cha ku mulambu wa kahia wa lupembo mupema. Maji eswe a mbala a Yehova.

Alevi 3:2

Akase kwoko lienyi ha mutwe wa mulambu wenyi, akamushihe ku chikolo cha mbalaka ya chikungulwila. Mba asasendote, ana ja Arone, makasapwila e manyinga kwa kujingilika ha chilumbilo.

Alevi 3:5

Ana ja Arone, akayilumbe ha chilumbilo ha mulambu wa kulumba uze uli ha kunyi ha kahia, ukapwe mulambu wa kahia, wa lupembo mupema kuli Yehova.

Alevi 3:8

Akase kwoko lienyi ha mutwe wa mulambu wenyi, akamushihe kulutwe lia mbalaka ya chikungulwila, mba ana ja Arone akasapwile manyinga jenyi kwa kujingilika ha chilumbilo.

Alevi 4:31

Maji jawo eswe akaachizeho ngwe akuchiza maji eswe a yitapo ya milambu ya sambukila. Mwe sasendote akaalumbe ha chilumbilo akapwe lupembo mupema kuli Yehova, mba sasendote akamufukile shili yenyi hanga amukonekeneyo.

Kwalula 18:17

Kapula-jimo wa ngombe, hanji kapulajimo wa panga, hanji kapula-jimo wa pembe, kanda ukaakula; o kapwa asandu. Ukasapwile manyinga jo ha chilumbilo. Ukalumbe maji jo akapwe mulambu wa kahia, wa lupembo mupema kuli Yehova.