Alevi 17:5 - MUKANDA USANDU WA ZAMBI 1975

⁵ hanga A-Izalele akanehe yitapo yo yize akushiha mu chifuchi cha woya akayihane kuli Yehova, kuli sasendote ku chikolo cha mbalaka ya chikungulwila. Akayishihe yitapo ya milambu ya sambukila kuli Yehova.

Mukanda Wa Zambi 1970

⁵ Shimbi yino yinalumbunuka ngwo, haliabwila Aisraele chaatamba kuneha kuli Mwene Zambi yimuna waze te akushihila mu yambu. Akaaneha kuli hako ku chikolo cha zuwo lia Zambi ni kwashiha mumu ha mulambu wa kulivwa cha Zambi ni atu.

Alevi 17:5 Iomraidhean Croise

Ubutukilo 21:33

Apalahama yatumba mutondo ku Mbia-shipa, yatambika Yehova ha jina lienyi, mwe Zambi wa mutolo.

Ubutukilo 22:13

Apalahama yahetula meso jenyi, yatala, kumanyi kunyima yenyi kuji ya panga kanasakaminya ku mbinga jenyi mu lutandulwila. Mba Apalahama yanda mwe kuji ya panga yamulambula wa kulumba kusalakana mwanenyi.

Ubutukilo 22:2

Yamba ngwenyi, Twala mwané, mwané wa wika unamuzange, mwe Izake, ukaye ku chifuchi cha Moria, ukamulambuleko mulambu wa kulumba ha mulundu umwe mungukulwezawo.

Ubutukilo 31:54

Yakomba yalambula chitapo ha mulundu, yasanyika usoko wenyi akalie mbolo, o alileko mbolo, yatwama ufuku weswe ha mulundu.

1 Yitanga Ya Mianangana 14:23

No nawa atungile manangamo, ni manguji, ni Ashera ha milundu yeswe yisuku ni mushi lia mitondo yeswe ya wisu.

1 Yitanga Ya Mianangana 3:2

Chino wika atu ashihile yitapo ha manangamo mumu kanda achitunga zuwo ha jina lia Yehova ndo matangwa aze.

1 Yitanga Ya Mianangana 3:3

Solomone wazangile Yehova. Wendele mu yiyulo ya tato David. Chino wika washihile yitapo ha manangamo ni kwochelaho insensu.

1 MIANANGANA 16:4

Washihile yitapo nikwocha insensu ha manangamo, ni ha milundu, ni mushi lia mutondo weswe wa wisu.

1 MIANANGANA 17:10

Yalimikina tuponya ni Ashera ha mulundu weswe usuku ni mushi lia mutondo weswe wa wisu.

2 Sango Ja Mianangana 28:4

Walambwile yitapo nikwocha insensu ha manangamo, ni ha milundu, ni mushi lia mutondo weswe wa wisu.

Kutuhuka 24:5

Yatuma akweze a A-Izalele o alambwile milambu ya kulumba, yalambula kuli Yehova ngombe apwe milambu ya sambukila.

Ezekiel 20:28

Mumu muze hinaaneha mu chifuchi chize nalishingile kwaaha, mba heswaho amwene mulundu umwe usuku hanji mutondo umwe wa mafwo, kwenako alambwile yitapo yo ni kukunjika milambu yo ya kwihia; kwenako afwinjishile lupembo wo wa kutulisa mbunge, ni kuzujila milambu yo ya kunwa.

Ezekiel 22:9

Muli yena kwali malunga akwa kulamikiza hanga akamwange manyinga, ni malunga akwa kulila ha milundu, ni malunga akwa kulinga luchisa.

Ezekiel 43:27

Muze hamana matangwa wano, mba chize ku tangwa liamuchinake kulutwe asasendote makalambwila ha chilumbilo milambu yenu ya kulumba, ni milambu yenu ya sambukila; mba mungukanutambula. Chocho kanambe Mwene Yehova.

Ezekiel 44:15

Alioze asasendote ja A-Levi, ana ja Zadoke, waze afungile ulayilo wa zuwo liami lisandu muze A-Izalele akatukile kuli yami, o makundama kuli yami kunguvumbika, no mangulingila akangulambule e maji ni manyinga. Chocho kanambe Mwene Yehova.

Alevi 17:4

alioze kamunehene ku chikolo cha mbalaka ya chikungulwila akamutambule mulambu kuli Yehova kumeso ja tabernakulu ya Yehova, mapwa ni uhie wa manyinga. Hamwanga manyinga, kashika mamuteta hakachi ka atu jenyi,

Alevi 17:6

Mwe sasendote akasapwile manyinga ha chilumbilo cha Yehova ku chikolo cha mbalaka ya chikungulwila. E maji akaalumbe akapwe lupembo mupema kuli Yehova.

Shimbi 12:2

Chamwenemwene nukonwone yihela yeswe mavungu munwahuma avumbikilileho tuzambi two, ni ha milundu yisuku ni ha milundu ni ku mitondo yeswe ya wisu.