Alevi 17:4 - MUKANDA USANDU WA ZAMBI 1975

⁴ alioze kamunehene ku chikolo cha mbalaka ya chikungulwila akamutambule mulambu kuli Yehova kumeso ja tabernakulu ya Yehova, mapwa ni uhie wa manyinga. Hamwanga manyinga, kashika mamuteta hakachi ka atu jenyi,

Alevi 17:4 Iomraidhean Croise

Ubutukilo 17:14

Lunga yoze wapwa chilima akamupatule kuli atu jenyi; hashiha usendo wami.

Miaso (Masamu) 32:2

Kawaha mutu yoze Yehova keshi kumwalwila uhenge; mu Spiritu yenyi kumwatwamine kalimbalimba.

Kutuhuka 12:15

Ha matangwa shimbiali munukalia mbolo kuyishi futunwiso. Ha tangwa lia kuputuka chizenu futunwiso ku mazuwo jenu. Mumu mweswawo malia mbolo ya futunwiso chize ku tangwa lia kuputuka ndo ku tangwa liamuchishimbiali, akamutete hakachi ka Izalele.

Kutuhuka 12:19

Ha matangwa shimbiali kanda awana mu mazuwo jenu futunwiso niyimwe, mumu te mweswawo malia ya futunwiso, akamutete hakachi ka chikungulwila cha Izalele, apwe njize, apwe mukwa chifuchi.

Kutuhuka 30:33

Mweswawo machinga amwe ngwe wano, ni mweswawo makaazuza hali mutu weka, akamutete hakachi ka atu jenyi.

Kutuhuka 30:38

Mweswawo machinga yimwe ya kulifwa nayo mukuyipanjika lupembo, akamutete hakachi ka atu jenyi.

Izaya 66:3

Yoze mashiha ngombe kapwa ngwe mukwa kushiha mutu; mukwa kulambula chitapo cha mwanapanga, kapwa ngwe mukwa kumakuna kota ya kawa. Yoze mahana mulambu wa wunga kapwa ngwe mukwa kulambula manyinga a ngulu. Yoze mahana mulambu wa libano wa kwiwuluka kapwa ngwe mukwa kuwahisa kaponya. Wano eswe hatongola majila jo ene; mbunge jo jinawahilila mu yizelwokeso yo.

Ezekiel 20:40

Mumu Mwene Yehova kanambe ngwenyi, Ha mulundu wami, we mulundu usuku wa Izalele, akwa munyachi wa Izalele e eswe makangulingila mu chifuchi. Kwenako mungukaatambula; kwenako mungwita milambu yenu ni ye yipema hakachi ka yawana yenu, hamwe ni yitapo yenu yisandu.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 17:10

Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Alevi 17:14

Mumu mwono wa mukwa mwono mweswe watwama mu manyinga. Kashika hingunambe kuli A-Izalele ngwami, Kanda nulia manyinga a mukwa mwono niumwe. Mumu mwono wa mukwa mwono mweswe e manyinga jenyi, kashika mweswe maalia akamuteteko.

Alevi 17:3

Nyi mutu umwe wa ku vungu lia Izalele mashiha ngombe, hanji panga, hanji pembe, mu chilombo, hanji haze lia chilombo,

Alevi 17:5

hanga A-Izalele akanehe yitapo yo yize akushiha mu chifuchi cha woya akayihane kuli Yehova, kuli sasendote ku chikolo cha mbalaka ya chikungulwila. Akayishihe yitapo ya milambu ya sambukila kuli Yehova.

Alevi 17:9

nyi kaunehene ku chikolo cha mbalaka ya chikungulwila akaulambule kuli Yehova, akamutete kuli atu jenyi.

Alevi 18:29

Mumu mweswawo malinga yino yuma ya kuvwisa lwaji, atu eswe akwa kuyilinga makaateta hakachi ka atu jo.

Alevi 20:16

Nyi pwo makundama kuli kashitu akapombe nenyi, akafwe ni mwe pwo ni mwe kashitu. Akaashihe; manyinga jo akapwe hali ene.

Alevi 20:18

Nyi lunga mapomba ni pwo shimbu achili ku mazuwo, akamufukule, acho hafukula fuji lienyi. Ni pwo neye hanalifukula fuji lia manyinga jenyi. Eswe aali akaatete hakachi ka atu jo.

Alevi 20:3

Yami mwene mungusa meso jami a kulimika ni mwe lunga, mungumuteta hakachi ka atu jenyi mumu hahana umwe mwanenyi kuli Moleke nikuchisa kuma kwami kusandu nikujilula jina liami lisandu.

Alevi 3:2

Akase kwoko lienyi ha mutwe wa mulambu wenyi, akamushihe ku chikolo cha mbalaka ya chikungulwila. Mba asasendote, ana ja Arone, makasapwila e manyinga kwa kujingilika ha chilumbilo.

Alevi 7:18

Yifwo yimwe ya chitapo cha mulambu wa sambukila makayilia ha tangwa liamuchitatu, kanda ayitambula; kanda ayalula kuli mukwa kulambula, muyikapwa chuma cha luchisa. Mweswe makayilia makambata uhenge wenyi.

Yoano 10:7

Yesu kashika wambile kuli ayo cheka nawa ngwenyi, Pundu, pundu, ngunambe kuli yenu ngwami, Chikolo cha mapanga yami.

Yoano 10:9

Chikolo yami; kachi umwe manjilila kuli yami, kumakamulamwina, makanjilanjila, makatuhwoka, makawana kelo.

Yoano 14:6

Yesu yamba kuli iye ngwenyi, Ye jila yami, ni we umwenemwene, ni we mwono: niumwe meza kuli Tata shina ni yami.

A-ROMA 4:6

Chizechene ngwe David nawa kanavuluka kuwaha cha mutu yoze Zambi mamwalwila ululi keshi yitanga,

A-ROMA 5:13

mumu ndo ku shimbi shili yapwile hano hashi; alioze keshi kwalula shili kuze shimbi yakuhi.

A-ROMA 5:20

Achi, shimbi yanjilile hanga mulonga ukalumbame, alioze kuze shili yalumbamine, vumbi lialumbamine kuhiana chikolo.

Shimbi 21:8

Yehova, konekenenu atu jenu A-Izalele, yenu nwaakulile. Kanda nutayiza manyinga a kusamba kusala mukachi ka atu jenu A-Izalele. Mba kumaakonekena mulonga wa manyinga.