Alevi 17:15 - MUKANDA USANDU WA ZAMBI 1975

¹⁵ Mutu mweswe malia yoze walifwila, hanji wa kupapulula kuli tushitu, apwe mwenyembo, apwe njize, akakose mazalo jenyi, akasane meya; akapwe wa luchisa ndo chingoloshi mba mapema.

Mukanda Wa Zambi 1970

¹⁵ Nyi umwe mutu, Kaisraele hanji chilambala, makalia yifwo ya kashitu yoze walifwila hanji wamukoka, chamutamba kukosa mahina jenyi, ni kusana, ni kushimbwila ndoo ku chingoloshi, mba mabema.

Alevi 17:15 Iomraidhean Croise

Kutuhuka 22:30

Chizechene ukalinge ni ngombe je ni mapanga je. Mwana atwame ni naye matangwa shimbiali. Ha tangwa liamuchinake ukamuhane kuli yami.

Kutuhuka 22:31

Nukapwe atu asandu kuli yami. Kashika kanda nukalia yifwo niyimwe yize vinapapuluka kuli tushitu a mu yambu. Nukayimbile ku tuwa.

Ezekiel 4:14

Yingwamba ngwami, Mwene Yehova! Kanda nguchilichisa. Chize ku ukweze wami ndo haliapwila kanda nguchilia kama yifwo ya kulifwila, hanji ya kupapulula kuli ngongo. Chipwe yifwo ya luchisa kanda yinjila kama mu kanwa liami.

Ezekiel 44:31

Asasendote kechi kalia nichimwe chize cha kulifwita, chipwe yoze wa kupapulula, apwe kajila apwe kashitu.

Alevi 11:24

Yuma yino muyikanuchisa, ngwami, Mweswawo makakwata ku mijimba yo ya kufwa makapwa wa luchisa ndo chingoloshi.

Alevi 11:25

Mweswawo makambata chimwe cha ku mijimba yo ya kufwa makakosa mazalo jenyi, mba makapwa wa luchisa ndo chingoloshi.

Alevi 11:27

Hakachi ka tushitu akwenda ha molu awana waze ali ni kata makapwa a luchisa kuli yenu. Mweswe makwata ku mijimba yo ya kufwa makapwa wa luchisa ndo chingoloshi.

Alevi 11:28

Yoze makambata mijimba yo ya kufwa makosa mazalo jenyi mba iye makapwa wa luchisa ndo chingoloshi, mumu o akwa luchisa kuli yenu.

Alevi 11:31

Wano te makapwa a luchisa kuli yenu hakachi ka akwa kukalala. Mweswe makaakwata muze te hafwa makapwa a luchisa ndo chingoloshi.

Alevi 11:32

Kweswako makaholokela muze te hafwa muchipwa cha luchisa, chipwe chikwachilo cha mutondo chipwe uzalo, chipwe kupu, chipwe njeke, chuma cheswacho cha milimo yeswayo, chatamba kuchisa mu meya, muchipwa cha luchisa ndo chingoloshi mba muchipema.

Alevi 11:39

Nyi umwe kashitu mafwa yoze te wa kulia kuli yenu, mweswe makwata ku mujimba wenyi wa kufwa mapwa wa luchisa ndo chingoloshi.

Alevi 11:40

Ni yoze makalia mujimba wenyi wa kufwa makakosa mazalo jenyi mba makapwa wa luchisa ndo chingoloshi. Mweswe makambata mujimba wenyi wa kufwa makakosa mazalo jenyi mba makapwa wa luchisa ndo chingoloshi.

Alevi 15:10

Mweswawo makwata chuma cheswacho hichapwa kushi lienyi, kumapwa wa luchisa ndo chingoloshi, ni mweswawo makambata chuma chize, akakose mazalo jenyi, akasane meya, mba mapwa wa luchisa ndo chingoloshi.

Alevi 15:21

Mweswawo makwata ku muhela wenyi, akakose mazalo jenyi, akasane meya, akapwe wa luchisa ndo chingoloshi.

Alevi 15:5

Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi.

Alevi 22:8

Kashitu yoze walifwila, hanji hanamupapulula kuli tushitu, kanda amulia kulichisa nenyi. Yami Yehova.

Alevi 7:24

Maji a kashitu yoze malifwila, hanji maji a kashitu hamushiha kuli ngongo munulinga no cheswacho nunazange, alioze kanda nwalia, ka.

Kwalula 19:19

Mukwa kupema akasapwile mukwa luchisa ha tangwa liamuchitatu ni ha tangwa liamuchishimbiali. Mba ha tangwa liamuchishimbiali akamupemese. Akakose mazalo jenyi. Akasane meya mba ha chingoloshi kumakapema.

Kwalula 19:21

Chikapwe chiyulo cha mutolo kuli ayo. Mukwa kusapwila e meya a kupemesa no akakose mazalo jenyi. Mweswawo makwata ku meya a kupemesa no akapwe wa luchisa ndo ha chingoloshi.

Kwalula 19:8

Mukwa kumwocha akakose mazalo jenyi ni meya, akasane meya ku mujimba wenyi, iye akapwe wa luchisa ndo ha chingoloshi.

Shimbi 14:21

Kashitu malifwila mwene kanda munulia, nuchimuhane kuli njize ali mu yihunda yenu, hanga amulie, hanji kumulanjisa kuli kandaka; mumu yenu kunwapwa atu asandu kuli Yehova Zambi yenu. Kanda nuteleka mwana-pembe mu yamwa ya naye.

Usolwelo 7:14

Nambile kuli iye ngwami, Mwene wami, yena unanyingika. Iye wambile kuli yami ngwenyi, Waze anatuhuka mu luyinda munene, hanakoso mahina jo ja ngungu, hanaatomesa mu manyinga ja mwe Mwanapanga.