Alevi 17:11 - MUKANDA USANDU WA ZAMBI 1975

¹¹ Mumu mwono wa musunya watwama mu manyinga mba hinaahana ha chilumbilo hali yenu kufuka mwono wenu. Mumu manyinga akufuka, mumu apwa we mwono.

Mukanda Wa Zambi 1970

¹¹ Akwa mwono eswe, mwono wo uli mu manyinga. Kashika Mwene Zambi waambile ngwenyi, manyinga eswe chatamba kwazujila ha chilumbilo ha kuchiza milonga ya atu. Manyinga we mwono, kaakuchiza milonga.

Alevi 17:11 Iomraidhean Croise

Ubutukilo 9:4

Alioze kuchi kulia yifwo yize yikwete manyinga jayo, acho chinalumbunuka we mwono.

Alevi 1:5

Mba akashihe mwe kuji kumeso ja Yehova; asasendote, ana ja Arone, akatambule e manyinga nikwasapwila kwa kujingilika ha chilumbilo chili ku chikolo cha mbalaka ya chikungulwila.

Alevi 16:11

Arone makakunjika mwe chimbembe mulambu ha shili hali iye mwene. Akafuke shili yenyi ni ya zuwo lienyi. Akashihe mwe chimbembe wa mulambu ha shili yenyi mwene.

Alevi 17:12

Kashika namba kuli A-Izalele ngwami, Niumwe hakachi kenu malia manyinga, chipwe njize hakachi kenu neye kechi kalia manyinga.

Alevi 17:14

Mumu mwono wa mukwa mwono mweswe watwama mu manyinga. Kashika hingunambe kuli A-Izalele ngwami, Kanda nulia manyinga a mukwa mwono niumwe. Mumu mwono wa mukwa mwono mweswe e manyinga jenyi, kashika mweswe maalia akamuteteko.

Alevi 4:25

Sasendote makanda amwe manyinga a mulambu ha shili ha munwe wenyi, akaakomone ha mbinga ja chilumbilo cha milambu ya kulumba, mba manyinga asala akaazujile ku shina lia chilumbilo cha milambu ya kulumba.

Alevi 4:26

Maji jaho eswe akaalumbe ha chilumbilo ngwe akulumba maji a yitapo ya milambu ya sambukila. Chocho mwe sasendote akamufukile shili yenyi hanga amukonekeneyo.

Alevi 8:15

Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Mateu 20:28

Chizechene ngwe mwe Mwana Mutu kejileko akamuvumbike, alioze mukuvumbika, nikuhana mwono wenyi ndando ya ukule hali anji.

Mateu 26:28

mumu musenge uno manyinga jami a usendo waha waze anamwangana hali anji ha ukonekeno wa milonga.

Marku 14:24

Iye wambile kuli ayo ngwenyi, Uno manyinga jami a usendo waha, waze anatehuka mumu hali anji.

A-ROMA 3:25

yoze Zambi waselele kulutwe, akapwe kuka, ha kufuliela manyinga jenyi, ha kusolola chinyingi cha ululi wenyi ha kuzomboka milonga yize yapwile kushi, ha kulihumikiza cha Zambi.

A-ROMA 5:9

Shinaho chikolo kashika, se hanatusambisa haliapwila ni manyinga jenyi, kuli iye makatulamwina ku utenu.

Efesu 1:7

Muli iye, ukule tuli nawo ku manyinga jenyi, we ukonekeno wa milonga yetu, nikulita ni kulumbama cha vumbi lienyi.

Shimbi 12:23

Chino wika, nuse chinyingi ngwami, Kanda nulia manyinga; mumu te manyinga kapwa mwono; kanda nulia mwono hamwe ni yifwo.

Kolosu 1:14

Muli iye ukule wetu tuli nawo ku manyinga jenyi, we ukonekeno wa milonga yetu.

Kolosu 1:20

Muli iye kuwanyisa yuma yeswe kuli iye mwene, se hanalingi sambukila ku manyinga ja ku kulusu yenyi; kuli iye ngwami, Chipwe yuma ya hano hashi, hanji yuma ya mu malilu.

Hebreu 13:12

Kashika Yesu nawa, hanga akasele ku usandu atu jenyi ku manyinga jenyi mwene, wevwile lamba haze lia chajilo.

Hebreu 9:22

Nikulita ni shimbi yuma yeswe, yikepe wika yinasala, kakuyipemesa ni manyinga, ni ukonekeno wakuhi niumwe shina ha kumwanga manyinga.

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.

1 Yoano 1:7

Alioze kachi mutwenda mu pangu ngwe iye uli mu pangu, kachi mutulikunda umwe ni mukwo ni mukwo, ni manyinga a Yesu Mwanenyi kakutupemesa ku shili yeswe.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;