Alevi 17:10 - MUKANDA USANDU WA ZAMBI 1975

¹⁰ Nyi mutu mweswawo, apwe wa vungu lia Izalele, apwe wa njize atwama hakachi ko, malia amwe manyinga, mungusa meso jami a kulimika ni mukwa kulia manyinga, ngukamutete hakachi ka atu jenyi.

Mukanda Wa Zambi 1970

¹⁰ Nyi umwe Kaisraele hanji chilambala yoze watwama mukachi kenu, makalia yifwo ya manyinga, Mwene Zambi makalimika nenyi, kechi kumwalula nawa mukachi ka atu jenyi.

Alevi 17:10 Iomraidhean Croise

Ubutukilo 9:4

Alioze kuchi kulia yifwo yize yikwete manyinga jayo, acho chinalumbunuka we mwono.

2 Samuel 23:17

Yamba ngwenyi, Yehova! Chikapwe kusuku ni yami kulinga chuma chino. Te mungunwa manyinga a wano malunga asele mwono wo mu Utoji? Kashika kaanwine. Yuma yino alingile e malunga atatu a ndundo.

Miaso (Masamu) 34:16

Meso a Yehova kalimika ni waze alingalinga yipi, akatete Chiwulwiso cho hano hashi.

Kutuhuka 30:33

Mweswawo machinga amwe ngwe wano, ni mweswawo makaazuza hali mutu weka, akamutete hakachi ka atu jenyi.

Jeremia 21:10

Mumu Yehova kanambe ngwenyi, Hinasa meso jami kulimika ni chihunda chino ha chipi, hi ha chipema ko. Kumunguchihana mu moko ja mwanangana wa Babilonia mba iye kumachocha ni kahia.

Jeremia 44:11

Kashika Yehova-wa-Tujita, Zambi ya Izalele kanambe ngwenyi, Mungusa meso jami kulimika ni yenu kunulinga chikalu; ngukateteho A-Yunda eswe.

Ezekiel 14:8

Mungusa meso jami kulimika ni yoze mutu; mungumupwisa chilayi kanda kashilikilo, ni kumusutula hakachi ka atu jami, mba munukanyingika yami nguli Yehova.

Ezekiel 15:7

Mungukasa meso jami kulimika no; mba chipwe malilamwina ku kahia hindu kahia mukaalalisa. Munukanyingika yami nguli Yehova muze mungukasa meso jami kulimika no.

Ezekiel 33:25

Kashika amba kuli ayo ngwe, Mwene Yehova kanambe ngwenyi, Nwakulia yifwo ni manyinga, ni kuhetula meso jenu ku mahamba jenu, ni kumwanga manyinga; mba munukazuka chifuchi chocho?

Ezekiel 44:7

Kanda nutayiza tundaka, yilima mu mbunge jo ni mu musunya wo, kunjila mu zuwo liami lisandu ni kuyijilula, muze nwakungulambula kulia chami, maji ni manyinga. Hinwatangula usendo wami ni yitanga yenu yeswe ya lwaji.

Alevi 17:11

Mumu mwono wa musunya watwama mu manyinga mba hinaahana ha chilumbilo hali yenu kufuka mwono wenu. Mumu manyinga akufuka, mumu apwa we mwono.

Alevi 19:26

Kanda nukalia yifwo niyimwe hamuwika ni manyinga jayo. Kanda nukalinga yuma ya kutaha ni ya wanga.

Alevi 26:17

Mungulimika ni yenu, mba manukumba kuli akwa kole jenu. Waze akunuvwila kole manuyula; munuchina chipwe niumwe kanuhangile.

Alevi 3:17

Chino chikapwe chiyulo cha mutolo mu mazuwo jenu ndusu yisemuko yenu yeswe ngwami, Kanda nulia chipwe maji chipwe manyinga.

Amose 9:4

Chipwe maya ufunge kuli akwa kole jo, kwenako mungukatuma katana mba makaashiha. Mungwahulikila meso jami kwalinga chipi hi chipema ko.

Yilinga 15:20

alioze tutume mukanda kuli ayo akasúle ku luchisa wa mahamba, ni ku utanji, ni kuli tushitu a kuhonda, ni ku manyinga.

Yilinga 15:29

ngwetu, Nukasúle ku yuma yize hanayitambula ku mahamba, ni ku manyinga, ni kuli tushitu a kuhonda, ni ku utanji; nyi munulifunga ku yino yuma, munulinga kanawa. Twamenu kanawa.

Shimbi 12:16

Chino wika, kanda nulia manyinga, nukaazujile hashi ngwe meya.

Shimbi 12:23

Chino wika, nuse chinyingi ngwami, Kanda nulia manyinga; mumu te manyinga kapwa mwono; kanda nulia mwono hamwe ni yifwo.

Shimbi 15:23

Chino wika, kanda nulia manyinga jenyi, nukaazujile hashi ngwe meya.

Hebreu 10:29

Kuchi nunanyongo? Yoze hanaliate mwe Mwana Zambi, hanajilula manyinga a usendo aze amuselele no ku usandu, hanasaula mwe Spiritu ya vumbi, lamba lika Mamutela?

1 Samuel 14:32

Atu alundumukinyine ha upite nikutambula mapanga, ni ngombe, ni ana-ngombe. Yaashiha chizechene hashi lume nikwalia hamwe ni e manyinga.

1 Samuel 14:33

Yambulwila Saulu ngwo, Atu kanavulumuna Yehova ha kulia yifwo hamwe ni e manyinga. Iye yamba ngwenyi, Hinwalinga ni mafwefwe. Langumunenu luliwe lunene kuli yami musono.