Alevi 16:4 - MUKANDA USANDU WA ZAMBI 1975

⁴ Akazale chikuto chisandu cha hina lipema litoma, ni ha mujimba wenyi akazale kaputula wa hina lipema litoma. Akalijichike muya wa ponda wa hina lipema litoma, ni kapusa wa hina lipema litoma, e mazalo asandu aze; kashika akasane, mba maazala.

Mukanda Wa Zambi 1970

⁴ Mba Mwene Zambi yalongesa Mose Shimbi jino. Muze Arone makanjila muma mwa chijila kuhiana, chamutamba kusana ni kuzala mahina a uhako: chikuto chisuku chitoma cha lefuna, ni kaputula, ni muya, ni kapusa.

Alevi 16:4 Iomraidhean Croise

Kutuhuka 28:2

Ukatongele yayenu Arone mazalo asandu, akapwe a ulemu, a upeme.

Kutuhuka 29:4

Arone ni ana jenyi a malunga ukaahetese ku chikolo cha mbalaka ya chikungulwila. Ukaasanyise meya.

Kutuhuka 30:20

Muze manjila mu mbalaka ya chikungulwila akasane meya kuchina mafwa, hanji muze nukundama ku chilumbilo mukuvumbika, mukulumba ni kahia mulambu kuli Yehova.

Kutuhuka 40:12

Ukahetese Arone ni ana jenyi a malunga ku chikolo cha ku mbalaka ya chikungulwila. Ukaasanyise meya.

Izaya 53:2

Mumu kumakatatuka kumeso jenyi ngwe lutombo, ngwe muji wa mu mavu omu; keshi ni upeme wa mujimba hanji wa meso hanga tukamutale, chipwe uhenya keshi nawo hanga tukamuzange.

Ezekiel 44:19

Ha kutuhuka ku yize ya haze kuli atu, mazula mazalo aze akuvumbika no ni kwatulika mu yipatulo yisandu, mba mazala mazalo eka kuchina akajilike atu ni mazalo jo.

Ezekiel 9:2

Chocho malunga asambano yakatuka ku sali lia chikolo cha ku tunda chize chatalikisa ku Norte. Mweswe kali ni katana mu kwoko lienyi wa kuhana nenyi. Kwejile hamuwika no umwe lunga kanazala mahina a linyu, kali ni chipakumuna cha mukwa kusonyeka mu zalilo yenyi. O yanjila; yamanyina ku chilumbilo cha unengu ku lumbu.

Alevi 16:23

Mba Arone manjila mu mbalaka ya chikungulwila akazule mazalo a hina lipema litoma azalanga muze anjilanga muma musandu. Akaahichike muze mwene.

Alevi 16:24

Akasane meya muma mumwe musandu akazale mazalo jenyi akatuhuke. Akalambule mulambu wenyi wa kulumba, ni mulambu wa kulumba wa e atu, akafuke shili hali iye mwene ni hali e atu.

Alevi 16:32

Sasendote yoze hamuwayisa ni maji nikumutumbikila kusalakana tato mu usasendote, makafuka shili nikuzala mazalo asandu a hina lipema litoma.

Alevi 6:10

Mba sasendote akazale chikuto chenyi cha hina lipema litoma. Akazale kaputula kenyi wa hina lipema litoma ha mujimba wenyi. Akande uto wa mulambu wa kulumba wasala ku kahia ka ha chilumbilo, akautumbike ku shina lia chilumbilo.

Alevi 6:3

hanji hawana chuma chatokele mba hahanjika mahuza nikulishinga ni mahuza, mu chuma cheswacho cha yino yeswe mutu malinga nikuvulumuna,

Luka 1:35

Mungelo wamukumbulwile ngwenyi, Spiritu Musandu kumeza hali yena, ni tachi ja mwe Chitunda kumujikuzulamina Chizulie; kashika nawa chuma chisandu chize muchikasemuka, kumakamuvuluka ngwo, Mwe Mwana Zambi.

Filipu 2:7

Alioze walipwishile wamokomoko, watambwile undungo, walipwishile mu kulifwa cha atu.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 2:14

Kashika se ana anapu akwa kulianyina ni musunya ni manyinga, iye nawa chizechene i walianyinyine ni chisemewa chimuwika; hanga ku kutwa, akapupe yoze uli ni ndundo ja kutwa, iye Ndiapu;

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.