Alevi 16:34 - MUKANDA USANDU WA ZAMBI 1975

³⁴ Chino chikapwe chiyulo cha mutolo kuli yenu hanga akafuke shili ya A-Izalele kamuwika ha mwaka mumu ha milonga yo yeswe. Mba Mose walingile chizechene ngwe Yehova wamutumine.

Mukanda Wa Zambi 1970

³⁴ Shimbi jino chatamba kujifunga ku miaka yeswe. Chatamba kufunga Shimbi jino mwaka ha mwaka ha kubemesa Aisraele ku shili yo. Chenacho Mose alingile ngwe chize amwambile Mwene Zambi.

Alevi 16:34 Iomraidhean Croise

Kutuhuka 27:21

Arone ni anenyi a malunga akayilulikise chize ku chingoloshi ndo ku kucha kumeso ja Yehova mu mbalaka ya chikungulwila, haze lia chikalakala cha hina chili kulutwe lia ye shindakenyo. Chikapwe shimbi ya mutolo ndusu yisemuko yeswe hali A-Izalele.

Kutuhuka 30:10

Arone akafuke ha je mbinga jacho kamuwika mwaka ha mwaka. Akachifuke ni manyinga a mulambu ha shili kamuwika mwaka ha mwaka ndusu yisemuko yenu. Kuchapwa chisandu chahiana kuli Yehova.

Kutuhuka 39:43

Mose yatala milimo yeswe, kumanyi te halinga yeswe chizechene ngwe Yehova hamba, chocho hayilinga, mba Mose yaawahisa.

Alevi 16:2

Yehova yamba kuli Mose ngwenyi, Ambila yayenu Arone kanda anjila matangwa eswe muma musandu muchima lia chikalakala kumeso ja chitwamo cha keke chize chili ha mushete, kuchina mafwa. Mumu mungukasoloka mu lelwa ha chitwamo cha keke.

Alevi 17:1

Yehova yamba kuli Mose ngwenyi,

Alevi 23:28

Ha tangwa lienalio kanda nulinga milimo niyimwe, mumu liapwa tangwa lia kufuka shili, akanufukileyo kumeso ja Yehova Zambi yenu.

Alevi 23:31

Kanda nulinga milimo niyimwe. Yikapwe chiyulo cha mutolo, ndusu yisemuko yenu yeswe, kweswako munutwama.

Alevi 24:23

Chocho Mose yámbila A-Izalele mba yatwala yoze watukanyine haze lia chilombo. Yamwasa mawe. Chocho A-Izalele yalinga chize Yehova hatuma Mose.

Alevi 3:17

Chino chikapwe chiyulo cha mutolo mu mazuwo jenu ndusu yisemuko yenu yeswe ngwami, Kanda nulia chipwe maji chipwe manyinga.

Kwalula 29:7

Ha tangwa liamuchikumi lia yono kakweji wamuchishimbiali nukapwe ni chikungulwila chisandu, nukafwichise mbunge jenu. Kanda nukalingaho milimo niyeyimwe, ka.

Hebreu 10:14

Mumu ku mulambu umuwika hanapwisa angunu ndo ku miaka ya mutolo waze hanaasela ku usandu.

Hebreu 10:3

Alioze mu yitapo yize kuchili kwiwulula cha milonga mwaka ha mwaka.

Hebreu 9:25

kuchapwile ngwe akalilambwole kanji kanji ngwe sasendote mukwa lutwe kakunjilanjila muma musandu mwaka ha mwaka ni manyinga ja mbala.

Hebreu 9:7

aiioze mu mbalaka yamuchiali sasendote mukwa lutwe ukawenyi, kamuwika ha mwaka, ndo ni manyinga, waze malambula hali iye mwene, ni ha yitela ya atu.