Alevi 16:3 - MUKANDA USANDU WA ZAMBI 1975

³ Alioze Arone ngwe chino manjila muma musandu; akanjile ni chimbembe wa kuji, akapwe mulambu ha shili, ni kuji ya panga akapwe mulambu wa kulumba.

Mukanda Wa Zambi 1970

³ Muze makanjila muma mwa chijila kuhiana, akambata chimbembe wa kuji mumu ha mulambu wa milonga, ni kuji a panga mumu ha mulambu wa kwocha.”

Alevi 16:3 Iomraidhean Croise

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 16:6

Arone akalambule mwe chimbembe mulambu ha shili hali iye mwene, akafuke shili yenyi ni ya akwa zuwo lienyi.

Alevi 4:1

Yehova yamba kuli Mose ngwenyi,

Alevi 4:3

nyi sasendote wa kuwayisa ni maji makavulumuna nikukoka uhie hali atu, akatambule kuli Yehova ha mutonga wenyi uze havulumuna chimbembe wa kuji keshi chipa, akapwe mulambu ha shili.

Alevi 8:14

Mba yaneha kuji ya ngombe wa mulambu ha shili. Arone ni anenyi a malunga yasa moko jo ha mutwe wa kuji ya ngombe wa mulambu ha shili.

Alevi 8:18

Mba yakunjika kuji ya panga ha mulambu wa kulumba. Arone ni anenyi a malunga yasa moko jo ha mutwe wa kuji.

Alevi 9:2

Yamba kuli Arone ngwenyi, Anda chimbembe cha kuji akapwe mulambu ha shili, ni kuji ya panga akapwe mulambu wa kulumba, eswe ni aali keshi chipa, ukaalambule kumeso ja Yehova.

Alevi 9:3

Amba kuli A-Izalele ngwe, Andenu kuji ya pembe akapwe mulambu ha shili, ni chimbembe ni mwana-panga, eswe ni aali a mwaka umuwika, keshi chipa, akapwe mulambu wa kulumba;

Hebreu 9:12

chipwe ku manyinga ja pembe ni ja ana a ngombe, aiioze ku manyinga jenyi mwene, hananjila kamuwika kunahu muma musandu mwahiana, se hanazuku ukule wa mutolo.

Hebreu 9:7

aiioze mu mbalaka yamuchiali sasendote mukwa lutwe ukawenyi, kamuwika ha mwaka, ndo ni manyinga, waze malambula hali iye mwene, ni ha yitela ya atu.