Alevi 16:22 - MUKANDA USANDU WA ZAMBI 1975

²² Mwe pembe makambata hali iye uhenge wo weswe akautwale ku chifuchi kuchishi atu. Mba matusula mwe pembe mu puya.

Mukanda Wa Zambi 1970

²² Pembe makambata shili yo yeswe ni kuya nayo mu puya.

Alevi 16:22 Iomraidhean Croise

Miaso (Masamu) 103:10

Kalingile ni yetu nikulita ni milonga yetu; katufwetele nikulita ni uhenge wetu.

Miaso (Masamu) 103:12

Chize wapwa usuku wa Chivumbuko ndo ku Chitokelo, chocho wahandununa kuli yetu Utanguko wetu.

Ezekiel 18:22

Niumwe Utanguko aye halinga makamwiwulukilawo nawa wa kulimika nenyi. Kumakatwama ni mwono mumu ha ululi halinga.

Ezekiel 4:4

Hipomba ha pachi je ja chimeso, ngukase hali yena uhenge wa munyachi wa Izalele. Nikulita ni matangwa aze mupombelako chocho mukambata uhenge wo.

Alevi 14:7

Akaasapwile yisuho shimbiali hali yoze anambe kumupemesa ku mbumba, akamuvuluke ngwo, Kanapeme. Mba akatusule kajila wa mwono mu chifuchi cha woya.

Alevi 16:21

Arone masa moko jenyi eswe ni aali ha mutwe wa pembe wa mwono. Mashikisa hali iye uhenge weswe wa A-Izalele, ni Utanguko wo weswe, ye shili yo yeswe, akayise ha mutwe wa pembe akamutume ku puya ku kwoko lia umwe wa kutongola kulu.

Alevi 16:23

Mba Arone manjila mu mbalaka ya chikungulwila akazule mazalo a hina lipema litoma azalanga muze anjilanga muma musandu. Akaahichike muze mwene.

Mika 7:19

Kumakatuvwila keke cheka nawa; kumakaliata uhenge wetu ni molu jenyi. Kumukambila milonga yetu mu mashima ja kalunga-lwiji.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

Hebreu 9:28

chocho Kristu nawa, se hanamulambula kamuwika hanga akambate milonga ya anji, kumakamoneka chisuho chamuchiali, hi ha kutwala ku shili ko, kuli waze akumutalatala ha ulamwino.

1 Petulu 2:24

Iye mwene wambachile milonga yetu mu mujimba wenyi ha mutondo, hanga yetu se hitunafu ku milonga, tukapwe ni mwono ku ululi; ku mbandu jenyi hinunahinduka.