Alevi 16:2 - MUKANDA USANDU WA ZAMBI 1975

² Yehova yamba kuli Mose ngwenyi, Ambila yayenu Arone kanda anjila matangwa eswe muma musandu muchima lia chikalakala kumeso ja chitwamo cha keke chize chili ha mushete, kuchina mafwa. Mumu mungukasoloka mu lelwa ha chitwamo cha keke.

Mukanda Wa Zambi 1970

² Yamba ngwenyi: “Lweza yayenu Arone akanjile muma mwa chijila kuhiana nikulita ni Shimbi. Mumu mwenamo nakulisolola mu lelwa, homa ha kukukila milonga, ha mushete wa Usendo wa yami ni Aisraele. Nyi makakolema Shimbi yino, makafwa kwenyi.

Alevi 16:2 Iomraidhean Croise

1 Yitanga Ya Mianangana 6:16

Chipatulo cha kunyima lia zuwo yachitunga ni makumi aali a mbandu ni matabua a sedru chize hashi ni yishimi ni chipatulo. Yachitunga muchima chikapwe uhanjikilo, mwe muma musandu mwahiana.

1 Yitanga Ya Mianangana 8:6

Mba asasendote yaneha mushete wa usendo wa Yehova kuma kwawo mu uhanjikilo wa zuwo, mwe muma musandu mwahiana mushi lia mapulwa ja akerupimi.

2 Sango Ja Mianangana 5:14

Kashika asasendote kahashile kumana nikuvumbika, mumu ha lelwa; mumu uhenya wa Yehova wazalishile zuwo lia Zambi.

Kutuhuka 30:10

Arone akafuke ha je mbinga jacho kamuwika mwaka ha mwaka. Akachifuke ni manyinga a mulambu ha shili kamuwika mwaka ha mwaka ndusu yisemuko yenu. Kuchapwa chisandu chahiana kuli Yehova.

Alevi 16:13

Akase insensu ha kahia kumeso ja Yehova hanga mwishi wa insensu Ukafuke chitwamo cha keke chize chili ha Shindakenyo, kuchina mafwa.

Alevi 16:34

Chino chikapwe chiyulo cha mutolo kuli yenu hanga akafuke shili ya A-Izalele kamuwika ha mwaka mumu ha milonga yo yeswe. Mba Mose walingile chizechene ngwe Yehova wamutumine.

Alevi 23:27

Ha kakweji mwenawo wamuchishimbiali ha tangwa liamuchikumi mulipwa tangwa lia kufuka shili. Mulipwa kuli yenu tangwa lia chikungulwila chisandu. Munufwichisa mbunge jenu, mba mununeha mulambu wa kahia kuli Yehova.

Alevi 8:35

Kwe ku chikolo cha mbalaka ya chikungulwila munukatwama matangwa shimbiali, mwalwa ni ufuku, ni kufunga chiyulo cha Yehova kuchina munufwa, mumu chocho angutumine.

Kwalula 17:10

Yehova yamba kuli Mose ngwenyi, Hilwisa mulumbu wa Arone kulutwe lia Shindakenyo, mukuufunga ukapwe chilayi cha akwa kukolema, hanga ukaholese kulinyenyeta cho hali yami, kuchina mafwa.

Kwalula 18:7

Yena ni ana je a malunga nukalayile usasendote wenu, ku yuma yeswe ya ku chilumbilo ni ya muchima lia chikalakala cha hina. Nukavumbike nawa. Ngunanwehe usasendote ukapwe milimo ya chawana. Nyi mukukundama umwe mukwo akamushihe.

Kwalula 4:19

Alioze hanga akatwame ni mwono, kanda akafwa, nukalinge chino ha kukundama ayo ku yuma yisandu yahiana: Arone ni ana jenyi a malunga akanjile, akasele mutu mweswe uvumbiko wenyi ni chiteli chenyi.

Kwalula 4:5

Muze akwa chilombo maya mu wenyi Arone hamwe ni ana jenyi a malunga akanjile akalemune chikalakala cha hina, akafuke nacho mushete wa Shindakenyo.

Mateu 27:51

Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile;

Hebreu 6:19

Chino tuli nacho ngwe ankora ya mbunge, kuyajikiza, kuyakola nawa, se yanjila muze muchima lia chikalakala cha hina;

Hebreu 9:25

kuchapwile ngwe akalilambwole kanji kanji ngwe sasendote mukwa lutwe kakunjilanjila muma musandu mwaka ha mwaka ni manyinga ja mbala.

Hebreu 9:3

Kulutwe lia chikalakala cha hina chamuchiali, kwatwama mbalaka yize anayivuluka, ngwo. Muma musandu mwahiana;

Hebreu 9:5

Helu liawo akerupimi ja uhenya kanazulamina chitwamo cha keke, ha kutwala ku yuma yize kukushi mwaka haliapwila kuhanjika chihanda ni chihanda.

Usolwelo 15:8

Ni tembele yazalile ni mwishi wa ku uhenya wa Zambi ni tachi jenyi; mba niumwe wahashile kunjila mu tembele, ndo lamba shimbiali lia angelo shimbiali mulimanunuka.