Alevi 16:16 - MUKANDA USANDU WA ZAMBI 1975

¹⁶ Chocho makafuka muma musandu mumu ha luchisa wa A-Izalele, ni Utanguko wo, ye shili yo yeswe. Chocho makalinga ha mbalaka ya chikungulwila yatwama hamwe no hakachi ka luchisa wo.

Mukanda Wa Zambi 1970

¹⁶ Chenacho makamanununa Shimbi ja kubemesa muma mwa chijila kuhiana ku luchisa wa Aisraele, ni ku milonga yo yeswe. Arone chatamba kulinga chino ku zuwo lia Zambi, mumu kuliatwama mukachi ka musumba wa akwa luchisa.

Alevi 16:16 Iomraidhean Croise

Kutuhuka 30:10

Arone akafuke ha je mbinga jacho kamuwika mwaka ha mwaka. Akachifuke ni manyinga a mulambu ha shili kamuwika mwaka ha mwaka ndusu yisemuko yenu. Kuchapwa chisandu chahiana kuli Yehova.

Alevi 16:17

Kumushi kupwa mutu niumwe mu mbalaka ya chikungulwila muze manjila muma musandu kufuka shili, ndo hatuhuka, hafuka shili yenyi mwene ni ya akwa zuwo lienyi, ni ya chikungulwila cheswe cha A-Izalele.

Alevi 16:18

Mba matuhukila ku chilumbilo chili kumeso ja Yehova akachifukile shili. Akande nawa amwe manyinga a mwe chimbembe ni amwe a mwe pembe akaakomone ha mbinga ja chilumbilo ha kujingilika.

Alevi 23:27

Ha kakweji mwenawo wamuchishimbiali ha tangwa liamuchikumi mulipwa tangwa lia kufuka shili. Mulipwa kuli yenu tangwa lia chikungulwila chisandu. Munufwichisa mbunge jenu, mba mununeha mulambu wa kahia kuli Yehova.

Alevi 8:15

Mose yamushiha, yanda manyinga ha munwe wenyi, yaakomona ha mbinga ja chilumbilo ha kujingilika, nikupemesa chilumbilo. Yazujila manyinga ku shina lia chilumbilo nikuchisela ku usandu, kuchifukila shili.

Kwalula 17:11

Chocho alingile Mose, chizechene ngwe Yehova amwambile, chocho chialingile iye.

Kwalula 28:15

Kuji ya pembe umuwika akapwe mulambu ha shili kuli Yehova: akaulambule kuweza ku mulambu wa kulumba wa matangwa eswe ni mulambu wawo wa kunwa.

Yoano 14:3

Nyi kachi munguya mukunululikila muhela, kachi mungwiza cheka nawa, mungukanutambula kuli yami mwene: hanga kuze yami nguli, kuze kwene ni yenu nawa nukapwe.

Hebreu 2:17

Kashika chamutamba ku yuma yeswe akamupwise wa kulifwa ni mandumbu jenyi, hanga akapwe sasendote mukwa lutwe wa keke, wamwenemwene ni yuma ya kutwala kuli Zambi, hanga akakukile milonga ya atu.