Alevi 16:13 - MUKANDA USANDU WA ZAMBI 1975

¹³ Akase insensu ha kahia kumeso ja Yehova hanga mwishi wa insensu Ukafuke chitwamo cha keke chize chili ha Shindakenyo, kuchina mafwa.

Mukanda Wa Zambi 1970

¹³ Kwenako ku meso ja Mwene Zambi makochela yuma ya vumba libema, ni mwishi muukafuka homa ha kukukila milonga ha mushete wa Usendo wa Zambi ni atu, kuchina makamona ho, nyi ka makafwa.

Alevi 16:13 Iomraidhean Croise

Kutuhuka 25:21

Ukanangike chitwamo cha keke helu lia mushete. Ukase mu mushete ye shindakenyo yize mungukwaha.

Kutuhuka 28:43

Arone ni ana jenyi a malunga akamuzale muze manjila mu mbalaka ya chikungulwila hanji muze makundama ku chilumbilo mukuvumbika muma musandu, kuchina mambata uhenge mba mafwa. Chikapwe chiyulo ndo ku miaka ya mutolo hali iye ni hali ana jenyi kulutwe lienyi.

Kutuhuka 30:1

Ukalinge chilumbilo cha kwochelaho insensu. Ukachilinge cha mutondo wa mukesha.

Alevi 22:9

Kashika akafunge chize naakunjika kuchina makambata mulonga wacho akafwe ha kuchijilula. Yami Yehova mukwa kwasela ku usandu.

Kwalula 16:18

Mba mutu mweswe yanda chikwachilo chenyi, yasamo kahia, hikusaho insensu, yamana ku chikolo cha mbalaka ya chikungulwila hamwe ni Mose ni Arone.

Kwalula 16:46

Mose yamba kuli Arone ngwenyi, Anda chikwachilo che, usemo kahia ka ku chilumbilo, useho insensu, uchitwale washi ku chikungulwila, uafukile shili yo; mumu utenu unatuhuka kuli Yehova, chilungo kuchinaputuka.

Kwalula 16:7

Senumo kahia, senuho insensu nawa kumeso ja Yehova hamene; mba mweswawo Yehova mamutongola, iye akapwe musandu. Hikwahwa ni yenu, enu A-Levi.

Kwalula 4:15

Muze te Arone ni ana jenyi a malunga hamana kufuka muma musandu ni yikashi yeswe ya muma musandu, muze akwa chilombo himaya mu wenyi, mba kulutwe A-Kohate akakundame akayimbate. O kanda akasunga yuma yisandu kuchina mafwa. Yuma yino kuyapwa chiteli cha A-Kohate mu mbalaka ya chikungulwila.

Kwalula 4:20

Kanda akanjila akatale yuma yisandu, chipwe ha kashimbu kakapekepe, ka, kuchina mafwa.

Shimbi 33:10

Makalongesa Yakomba upatwilo we. Makalongesa Izalele shimbi je. Makasa insensu kumeso je. Makasa milambu ya kulumba ya muwundu ha chilumbilo che.

Hebreu 7:25

Kashika kanahase nawa kulamwina ndo ku songo, waze akukundama kuli Zambi mu jina lienyi, se matangwa eswe katwama ni mwono mukwahakwila.

Hebreu 9:24

Mumu Kristu kanjililemo muma musandu mwa kutungiwa ni moko, te Chizulie cha muma musandu mwamwenemwene; aiioze mwilu mwene hanga akasoloke haliapwila kumeso ja Zambi hali yetu: