Alevi 15:14 - MUKANDA USANDU WA ZAMBI 1975

¹⁴ Ha tangwa liamuchinake akande tutele aali hanji ana-a-membe aali akanjile kumeso ja Yehova ku chikolo cha mbalaka ya chikungulwila akaahane kuli sasendote.

Mukanda Wa Zambi 1970

¹⁴ Ha tangwa lia muchinake akaneha tutele aali hanji ana a membe aali ku chikolo cha zuwo lia Zambi lia makubu ni kwahana kuli hako.

Alevi 15:14 Iomraidhean Croise

Alevi 1:14

Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe.

Alevi 12:6

Muze matangwa jenyi a kumupemesa hahwa, apwe hali mwana wa lunga, apwe hali mwana wa pwo, akanehe kuli sasendote ku chikolo cha mbalaka ya chikungulwila mwana-panga wa mwaka umuwika akapwe mulambu wa kulumba. Akahane nawa mwana-liembe, hanji katele, akapwe mulambu ha shili.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Kwalula 6:10

Ha tangwa liamuchinake akatwale kuli sasendote tutele aali, chipwe ana-a-membe aali, ndo ku chikolo cha mbalaka ya chikungulwila.

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Hebreu 10:10

Mu upale uno wene hanatusela ku usandu ku kulambula cha mujimba wa Yesu Kristu kamuwika kunahu.

Hebreu 10:12

Alioze iye muze te hatambula chitapo chimuwika ha milonga, Watwamine ndo ku miaka ya mutolo ku kwoko lia chindume lia Zambi.

Hebreu 10:14

Mumu ku mulambu umuwika hanapwisa angunu ndo ku miaka ya mutolo waze hanaasela ku usandu.

Hebreu 7:26

Mumu sasendote mukwa lutwe ngwe yono watutelele, musandu, mukwa kusamba, kalichishile, kahandunuka kuli yivulumunyi, hamusa helu lia malilu.