Alevi 15:13 - MUKANDA USANDU WA ZAMBI 1975

¹³ Muze hawuka mukwa kuhita ku kuhita chenyi, malialwila matangwa shimbiali ha kulipemesa. Makosa mazalo jenyi, masana mu meya aze anende, mba mapema.

Mukanda Wa Zambi 1970

¹³ Muze mwe mutu hahinduka ku musongo wenyi, chamutamba kushimbwila matangwa shimbiali ni kukosa mahina jenyi ni kusana mu meya a ku shima, mba mabema.

Alevi 15:13 Iomraidhean Croise

Kutuhuka 29:35

Ukalinge chocho kuli Arone ni kuli ana jenyi a malunga nikulita ni yize yeswe hinakwamba. Ukaatumbikile ku uvumbiko matangwa shimbiali.

Kutuhuka 29:37

Ukafuke che chilumbilo matangwa shimbiali, ukachisele ku usandu. Chilumbilo chikapwe chisandu chahiana. Yeswayo muyikwata ku chilumbilo yikapwe yisandu.

Jeremia 33:8

Mungukaapemesa ku uhie wa kunguvulumuna; mungukakonekena uhie wa kunguvulumuna ni kungukatukila.

Alevi 14:10

Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Alevi 14:8

Mba yoze anambe kumupemesa akakose mazalo jenyi, akatewule kambu jenyi jeswe, akasane meya, mba mapema. Muze halinga chino manjila mu chilombo ahoze kechi kunjila mu mbalaka yenyi ndo matangwa shimbiali hahwa.

Alevi 15:28

Alioze nyi hapema ku kuhita chenyi akalialwile matangwa shimbiali mba kulutwe makapwa mupema.

Alevi 15:5

Mweswawo makwata ku muhela wenyi, akakose mazalo jenyi, akasane meya, mba mapwa wa luchisa ndo chingoloshi.

Alevi 8:33

Kanda nutuhuka ku chikolo cha mbalaka ya chikungulwila ndo matangwa shimbiali, ndo matangwa jenu ja kutumbikila ku usasendote hahwa. Mumu matangwa shimbiali makahwa ha kunusela ku usasendote.

Alevi 9:1

Ha tangwa liamuchinake Mose yasanyika Arone ni anenyi a malunga ni makulwana a Izalele.

Kwalula 12:14

Yehova yamba kuli Mose ngwenyi, Kachi tato wamufwilile mate ha meso te iye kechi kupwa ni sonyi matangwa shimbiali nyi? Amwajilile haze lia chilombo matangwa shimbiali mba kulutwe hikumuhilwisa nawa.

2 Korintu 7:1

Kashika se yilakenyo yino tuli nayo, akwetu a zango, tulipemesenu ku luchisa mweswe wa musunya ni Spiritu, tukamanunune usandu mu woma wa Zambi.

Tiangu (Jake) 4:8

Kundamenu kuli Zambi, iye kumakakundama kuli yenu. Pemesenu moko jenu, yenu yivulumunyi; tomesenu mbunge jenu, yenu akwa mbunge jiali.

Usolwelo 1:5

ni ya kuli Yesu Kristu, mwe Chela wamwenemwene, mwe Mutangu kuhinduka hakachi ka afu, ni mwe mukwa kuyula hakachi ka mianangana ja hashi. Kuli yoze wakutuzanga, watutuswile ku milonga yetu mumu ha manyinga jenyi;