Alevi 14:7 - MUKANDA USANDU WA ZAMBI 1975

⁷ Akaasapwile yisuho shimbiali hali yoze anambe kumupemesa ku mbumba, akamuvuluke ngwo, Kanapeme. Mba akatusule kajila wa mwono mu chifuchi cha woya.

Mukanda Wa Zambi 1970

⁷ Hako akasapwila manyinga waze hali mwe mutu yisuho shimbiali, mba makamuvuluka ngwenyi, habema. Mba makatusula kajila yoze wa mwono akaye kwenyi mu yambu.

Alevi 14:7 Iomraidhean Croise

1 MIANANGANA 5:10

Elisha yatuma kanganda kuli iye ngwenyi, Yako usane mu Yordau yisuho shimbiali mba musunya we muwalumuka kuli yena, kumupema.

1 MIANANGANA 5:14

Henaho yapalumuka, yalichupika kashimbiali mu Yordau nikulita ni liji lia mutu wa Zambi, mba musunya wenyi yiwalumuka ngwe musunya wa mwana mukepe, yapema.

Miaso (Masamu) 51:2

Ngusanyise kama liakulu ku uhenge wami; ngupemese ku shili yami.

Miaso (Masamu) 51:7

Ngupemese ni hisope mba mungupema. Ngusanyise mba mungutoma kuhiana neve.

Izaya 52:15

chocho nawa makakomwesa mavungu anji; mianangana makapakika makanwa jo mumu hali iye. Chize kanda achialweza kumakachimona, ni chize kandevwa kumuchikaalumbunuka.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Daniel 9:24

Hali atu je ni chihunda che chisandu hanasela shimbi ya makumi shimbiali a semana kumanununa Utanguko, ni kusulisa shili, ni kukukila uhenge, ni kuhetesa ululi wa mutolo, ni kujika ni Chijikilo usolwelo ni uprofeto, ni kuzujila maji muma musandu mwahiana.

Alevi 13:13

sasendote matala, mba musongo hiwazuka mujimba wenyi weswe, kashika mavuluka mukwa chilonda ngwenyi, Kanapeme. Mweswe hatoma, hapema.

Alevi 13:17

Mwe sasendote mamutala. Mba nyi chilonda hichalumuka chitoma, hohene sasendote mavuluka mukwa chitenda ngwenyi, Kanapeme—se hapema.

Alevi 14:51

Mba akande mutondo wa sedru, ni hisope, ni hina lia ngengu, hamwe ni kajila wa mwono akayichupike mu manyinga a kajila yoze hashiha, ni mu meya aze anende, akasapwile lie zuwo yisuho shimbiali.

Alevi 16:14

Akande amwe manyinga a mwe chimbembe akaasapwile ni munwe wenyi ha chitwamo cha keke kulutwe kwakutala ku Chivumbuko. Mba kulutwe lia chitwamo cha keke akaasapwile yisuho shimbiali ni munwe wenyi.

Alevi 16:19

Akasapwileho amwe manyinga nawa yisuho shimbiali ni munwe wenyi akachipemese, akachihandunune ku luchisa wa A-Izalele.

Alevi 16:22

Mwe pembe makambata hali iye uhenge wo weswe akautwale ku chifuchi kuchishi atu. Mba matusula mwe pembe mu puya.

Alevi 4:17

Mwe sasendote akachupike munwe wenyi mu manyinga akaasapwile yisuho shimbiali kumeso ja Yehova kulutwe lia chikalakala cha hina.

Alevi 4:6

Mba sasendote akachupike munwe wenyi mu manyinga akasapwile amwe manyinga yisuho shimbiali kumeso ja Yehova kulutwe lia chikalakala cha hina cha muma musandu.

Alevi 8:11

Yasapwila amwe ha chilumbilo yisuho shimbiali. Yawayisa chilumbilo ni yikashi yacho yeswe, ni lumbasia ni nganda yalwo akayisele ku usandu.

Mika 7:19

Kumakatuvwila keke cheka nawa; kumakaliata uhenge wetu ni molu jenyi. Kumukambila milonga yetu mu mashima ja kalunga-lwiji.

Kwalula 19:12

Iye akalipemese ni e meya ha tangwa liamuchitatu, mba ha tangwa liamuchishimbiali iye makapema. Hindu nyi kechi kalipemesa ha tangwa liamuchitatu, mba ha tangwa liamuchishimbiali kechi kapema.

Yoano 19:34

alioze umwe wa kuli maswalale watuwile lumbu lienyi ni kunga, ni haze hene mwatuhukile manyinga ni meya.

Hebreu 10:22

tukundamenu ni mbunge yamwenemwene, ni kusela chinyingi liakulu cha Ufulielo: se hasapwila mbunge jetu jipema ku shimbi jipi: se hasanyisa mijimba yetu ni meya apema.

Hebreu 12:24

ni kuli Yesu mwe chitakanyishi cha usendo waha, ni ku manyinga a kusapwila waze akuhanjika yuma yipema yahiana Abele.

Hebreu 9:13

Mumu kachi manyinga ja pembe ni ja kuji lia ngombe ni uto wa chimbembe wa kusapwila waze hanapu ni luchisa, muyisela ku usandu ha kupemesa cha musunya;

Hebreu 9:19

Mumu muze te Mose hahanjika shimbi jeswe kuli atu eswe nikulita ni shimbi, wanjile manyinga ja anangombe ni ja pembe, hamwe ni meya ni wanda uchila ni hisope, wasapwilile ni mukanda ni e atu eswe.

Hebreu 9:21

Ni mbalaka nawa ni yikwachilo yeswe ya uvumbiko wayisapwilile chizechene ni manyinga.

Hebreu 9:26

Nyi chocho, chamutamba kwivwa lamba kanji kanji chize ku kusela cha fundamentu ya hashi: aiioze haliapwila kamuwika ha kumanunuka cha miaka hanamusolola hanga akachize shili ha kulihana chitapo iye mwene.

1 Petulu 1:2

waze hanaatongola nikulita ni chinyingi cha kulutwe cha Zambi Tata, nikulita ni tachi ja Spiritu, ha kutusela ku usandu hanga twononoke, atusapwile ni manyinga a Yesu Kristu: Vumbi kuli yenu ni sambukila yikalumbame.

1 Yoano 5:6

Yoze wejile ku meya ni manyinga, iye Yesu Kristu; hi ku meya wika ko, aiioze ku meya ni ku manyinga.