Alevi 14:21 - MUKANDA USANDU WA ZAMBI 1975

²¹ Alioze nyi iye chiswale, kahashile kuwana yuma yipwa haha, akande kuji ya panga umuwika ha mulambu wa uhie akamuhungise akamufukile shili yenyi. Akanehe nawa chihanda chimuwika cha ku kumi lia yihanda ya wunga wafufunuka wa kuchinga ni maji ha mulambu wa wunga, ni njongo ya maji.

Mukanda Wa Zambi 1970

²¹ Nyi ngwe mutu kali chiswale, keshi kwenyi ni yimuna yino, akaneha musamba wa kuji a panga umuwika ha mulambu wenyi wa kuhilwisa ni kuwezela, ni kuuhungisa ku meso ja Mwene Zambi. Akanda nawa kilo ya wunga yimuwika yakuchinga ni maji a olive, mumu ha mulambu wa mbuto, ni makumi atatu a sentilitro ya maji.

Alevi 14:21 Iomraidhean Croise

Jobe 34:19

Iya keshi ni katonde kuli akwa kuyula? Iya kalemesene pichi kuhiana chiswale mumu eswe yitanga ya moko jenyi?

Yishima 17:5

Wayunga chiswale wasaula Tangi yenyi; yoze mawahilila ha lamba lia mukwo kechi kasamba.

Yishima 22:2

Pichi ni yiswale Anakungulukila hamuwika; Yehova waatangile eswe.

Ezekiel 46:7

Ha mulambu wa wunga makahana *efa yimuwika ni mwe kuji ya ngombe, ni efa yimuwika ni mwe kuji ya panga, hamwe ni ana-mapanga weswe makahasa, hamwe ni *hine ya maji ha efa ni efa.

Alevi 1:14

Nyi mulambu wenyi kuli Yehova muupwa wa tujila a kulumba, akatambule mulambu wenyi wa tutele hanji wa ana-a-membe.

Alevi 12:8

Nyi kahashile kulanda mwana-panga, akande tutele aali, hanji ana-a-membe aali, umwe akapwe mulambu wa kulumba, mukwo akapwe mulambu ha shili. Mwe sasendote mamufukila shili mba makapema.

Alevi 14:10

Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Alevi 14:22

Akanehe tutele aali hanji ana-a-membe aali aze mahasa kuwana, umwe mulambu ha shili, mukwo mulambu wa kulumba.

Alevi 27:8

Nyi mutu mapwa chiswale naye kufweta ndando yize munumusela, akanehe mwe mutu kuli sasendote, mba sasendote mamusela ndando. Mamusela ndando nikulita ni kuhasa cha yoze walakenyene chilakenyo.

Alevi 5:11

Nyi kahashile kuneha tutele aali, hanji ana-a-membe aali, mba akanehe mulambu wenyi ha uhie wenyi, ngwami, Chihanda chimuwika cha ku kumi lia yihanda ya efa ya wunga wafufunuka ukapwe mulambu ha shili. Kanda asaho maji niamwe, chipwe libano, mumu mulambu ha shili.

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.

Luka 6:20

Iye wahetwile meso jenyi hali tumbaji twenyi, ngwenyi, Kunwawaha, yenu, yiswale; mumu wanangana wa Zambi niwenu.

2 Korintu 8:12

Mumu kachi mbunge kuyili, muchipemena chikolo nikulita ngwe mutu mapwa nacho, hi nikulita ko ni chize keshi nacho.

2 Korintu 8:9

Mumu nunanyingika vumbi lia Mwene wetu Yesu Kristu, chipwe wapwile pichi, hindu mumu hali yenu, walipwishile chiswale, hanga yenu ku uswale wenyi nukapwe pichi.

1 Samuel 2:8

Kakuchiza chiswale ku fufuta; kakuchiza mukwa kuhona hakachi ka chichilila cha uto nikumunangamisa akatwame hakachi ka alemu, akaswane ngunja ya ulemu. Mumu manguji a hashi a mbala a Yehova, mba iye hakoleselaho he hashi.