Alevi 14:10 - MUKANDA USANDU WA ZAMBI 1975

¹⁰ Ha tangwa liamuchinake akande ana-mapanga aali a kuji keshi chipa, ni chihwo cha panga umuwika wa mwaka umuwika, keshi chipa, ni mulambu wa wunga wa yihanda yitatu ya ku kumi ha yihanda ya wunga wafufunuka wa kuchinga ni maji, ni njongo ya maji.

Mukanda Wa Zambi 1970

¹⁰ Ha tangwa lia muchinake akatwala makuji aali a panga ni chihwo a mwaka umuwika, keeshi kapalia, ni kilo jitatu ja wunga wakuchinga ni maji a olive, ni makumi atatu a sentilitro a maji a olive.

Alevi 14:10 Iomraidhean Croise

Kutuhuka 29:40

Hamwe ni mwana-panga umwe ukatambule chihanda chimuwika cha ku kumi lia yihanda ya wunga wafufunuka, cha kuchinga ni chihanda chimuwika cha ku yihanda yiwana ya *hine ya maji a kusohola ni chihanda chimuwika cha ku yihanda yiwana ya *hine ya vinyu, yikapwe mulambu wa kunwa.

Alevi 1:10

Nyi mulambu wenyi muupwa wa ku limba, hanji panga hanji pembe, akapwe mulambu wa kulumba, akatambule kuji keshi chipa.

Alevi 1:3

Nyi mulambu wenyi muupwa ngombe wa kulumba, akamutambule kuji keshi chipa. Akamulambule ku chikolo cha mbalaka ya chikungulwila, akamutambule kumeso ja Yehova.

Alevi 14:11

Mba sasendote mukwa kupemesa matumbika yoze mamupemesa hamuwika ni yuma yino kumeso ja Yehova ku chikolo cha mbalaka ya chikungulwila.

Alevi 14:12

Sasendote akande kuji ya panga umuwika akamutambule mulambu wa uhie hamuwika ni njongo ya maji, akayihungise yikapwe mulambu wa kuhungisa kumeso ja Yehova.

Alevi 14:15

Sasendote akande nawa amwe a ku njongo ya maji akazujile mu kwoko lienyi mwene lia chimeso.

Alevi 14:21

Alioze nyi iye chiswale, kahashile kuwana yuma yipwa haha, akande kuji ya panga umuwika ha mulambu wa uhie akamuhungise akamufukile shili yenyi. Akanehe nawa chihanda chimuwika cha ku kumi lia yihanda ya wunga wafufunuka wa kuchinga ni maji ha mulambu wa wunga, ni njongo ya maji.

Alevi 2:1

Mba muze umwe makalambula mulambu wa wunga kuli Yehova, mulambu wenyi ukapwe wa wunga wafufunuka. Akaseho maji ni libano.

Alevi 2:11

Niumwe mulambu wa wunga wa kulambula kuli Yehova kanda ukaulinga ni futunwiso, mumu futunwiso hanji wuchi keshi kuyilumba mu mulambu-wa kahia kuli Yehova.

Alevi 2:13

Mulambu weswe wa wunga ukaulungise ni mungwa. Mungwa wa usendo wa Zambi ye kanda ukahona mu mulambu we wa wunga. Mutambula mungwa hamuwika ni milambu ye yeswe.

Alevi 23:13

Mulambu wawo wa wunga muupwa wa yihanda yiali ya ku yihanda kumi ya njongo ya efa ya wunga wafufunuka wa kuchinga ni maji. Akaulambule ni kahia kuli Yehova ha lupembo mupema. Mulambu wawo wa kunwa ukapwe wa vinyu, chihanda chamuchiwana cha njongo ya hine.

Alevi 4:32

Nyi makaneha mwana-panga akapwe mulambu ha shili akamunehe chihwo keshi chipa.

Alevi 9:1

Ha tangwa liamuchinake Mose yasanyika Arone ni anenyi a malunga ni makulwana a Izalele.

Kwalula 28:20

Ni mulambu wo wa wunga, te wunga wafufunuka, wa kuchinga ni maji: yihanda yitatu ya ku kumi lia yihanda ukalambwile chimbembe wa kuji mweswe. Yihanda yiali ya ku kumi lia yihanda hali mwe kuji ya panga.

Kwalula 6:14

Iye akalambule kuli Yehova mulambu wenyi, te kuji ya panga wa mwaka umuwika keshi chipa, akapwe mulambu wa kulumba, ni chihwo cha panga wa mwaka umuwika keshi chipa, akapwe mulambu ha shili, ni kuji ya panga keshi chipa akapwe mulambu wa sambukila,

Kwalula 7:43

Mulambu wenyi wapwile panda limuwika lia prata, pezu yalio ya kulakaji lia shekele ni makumi atatu a shekele; mbasia yimuwika ya prata ya makumi shimbiali a shekele nikulita ni shekele ya muma musandu. Yeswe ni yiali ya tò ya wunga wafufunuka, wa kuchinga ni maji, ukapwe mulambu wa wunga.

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Marku 1:44

Ngwenyi, Kanda ukamba nichimwe kuli niumwe: alioze yako, ukalilweze kuli sasendote, ukalambule ha kupemesa che chize ambile Mose, chikapwe Shindakenyo kuli ayo.

Luka 5:14

Iye wamuhele koki kanda akaambulwila niumwe: alioze ngwenyi, Yako kwe, ukalilweze kuli sasendote, ukalambule ha kupemesa che, ngwe ambile Mose, chikapwe Shindakenyo kuli ayo.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 6:33

Mumu ye mbolo ya Zambi yoze mahulumuka mwilu, mahana mwono kuli akwa hashi.

Yoano 6:51

Ye mbolo ya mwono yami, yize yahulumukine mwilu: kachi umwe malia mbolo yino kumakapwa ni mwono ndo ku miaka ya mutolo: ewa, ni mbolo yize mungukahana te musunya wami uze mungukahana ha mwono wa akwa hashi.

1 Petulu 1:19

aiioze ni manyinga alemu a Kristu, ngwe a mwanapanga keshi kapalia, keshi chipeka.