Alevi 13:2 - MUKANDA USANDU WA ZAMBI 1975

² Muze mutu mapwa ni chijimbo, hanji kachilonda, hanji chipeka ha kowa lia mujimba wenyi, mba muchalumuka musongo ngwe wa mbumba mu kowa lia mujimba wenyi, akamunehe kuli sasendote Arone, hanji kuli umwe hakachi ka anenyi asasendote.

Mukanda Wa Zambi 1970

² Nyi umwe mutu habwa ni chijimbo hanji chizuwu hanji chibeka yize muyihasa kwalumuka musongo ukalu wa ha chikowa, akamuneha ku meso ja umwe hako wa ku jiko lia Arone.

Alevi 13:2 Iomraidhean Croise

2 Samuel 3:29

Akashate ha mutwe wa Joabe ni akwa munyachi wa tato eswe. Ndo ku miaka ya mutolo ku munyachi wa Joabe kanda kuhona umwe mukwa mashina, hanji mukwa mbumba, hanji mukwa kwenda ni pango, hanji yoze mafwa ni katana, hanji yoze mahona kulia!

1 MIANANGANA 5:1

Achi Naamane, kapitau ka tujita twa mwanangana wa Seria, iye mutu munene kumeso ja mwata wenyi, ni mulemu nawa, mumu kuli iye Yehova te hanakumbisa A-Seria; iye chitakame, mukwa hamu nawa, alioze mukwa mbumba.

1 MIANANGANA 5:27

Kashika mbumba ya Naamane yikalalaminye kuli yena ni kuli akwa munyachi we ndo ku miaka yeswe. Yatuhuka kumeso ja Elisha mukwa mbumba ngwe neve.

Izaya 1:6

Chize ku chiliato ndo ku mutwe niumwe ungunu kuushiko, alioze yindundwola, ni yilonda, ni mbandu ja kuhita manyinga jize kanda ajipalakenya chipwe kujichika, chipwe kujovulisa ni maji.

Izaya 3:17

kashika Mwene makalamba mitwe ya mapwo a mu Zaione ni yilonda, Yehova makaafukula lume.

Alevi 13:1

Yehova yamba kuli Mose ni Arone ngwenyi,

Alevi 13:3

Mwe sasendote matala kanawa musongo mu kowa lia mujimba wenyi, nyi wona wa ha musongo hiwalumuka utoma mba musongo wasoloka ngwe wanjila kushi lia kowa lia mujimba wenyi, hi musongo wa mbumba. Mwe sasendote mamutala mamuvuluka ngwenyi, Wa luchisa.

Alevi 13:8

Sasendote makamutala nawa, mba nyi musongo hiwatanda mu kowa sasendote makamuvuluka ngwenyi, Wa luchisa, wapwa musongo wa mbumba.

Alevi 14:3

Sasendote matuhuka mu chilombo. Sasendote matala. Nyi musongo wa mbumba hiwakatuka kuli mukwa mbumba,

Alevi 14:35

mba mwenya zuwo maheta kuli sasendote akamulumbunwine ngwenyi, Ngunamono ngwe musongo umwe wanjila mu zuwo liami.

Alevi 14:56

ya chijimbo, hanji chilonda cha kulijila, hanji chipeka,

Malaki 2:7

Mumu mivumbo ya sasendote chatamba kufunga yinyingi. Chatamba atu akafupe shimbi ku kanwa lienyi, mumu iye kanganda ka Yehova-wa-Tujita.

Kwalula 12:10

Lie lelwa yilikatuka helu lia mbalaka, kutala Miriame hapwa mukwa mbumba, mutoma ngwe neve. Arone yatala Miriame, kumanyi, hapwa mukwa mbumba.

Kwalula 12:12

Mwane, Miriame kanda apwa ngwe mufu, ngwe umwe matuhuka mu jimo lia naye, chihanda cha musunya wenyi chaliwa kulu.

Mateu 8:4

Yesu yamba kuli iye ngwenyi, Tala, kanda ukaambulwila niumwe; alioze yako, ukalilweze kuli sasendote, ukalambule chawana chize ambile Mose, chikapwe Shindakenyo kuli ayo.

Marku 1:44

Ngwenyi, Kanda ukamba nichimwe kuli niumwe: alioze yako, ukalilweze kuli sasendote, ukalambule ha kupemesa che chize ambile Mose, chikapwe Shindakenyo kuli ayo.

Luka 17:14

Muze aamwene, wambile kuli ayo ngwenyi, Yénu, nukalilweze kuli asasendote. Shimbu machiya apemene ku musongo wo.

Luka 5:14

Iye wamuhele koki kanda akaambulwila niumwe: alioze ngwenyi, Yako kwe, ukalilweze kuli sasendote, ukalambule ha kupemesa che, ngwe ambile Mose, chikapwe Shindakenyo kuli ayo.

Shimbi 24:8

Nukanyame ni musongo wa mbumba, nutale kanawa, nulinge nikulita ni yeswe manulongesa kuli asasendote, A-Levi, ngwe hinaamba, chocho nukanyame kulinga.

Shimbi 28:27

Yehova makanulamba ni yivunda ya Engitu, ni hute, ni katoma, ni mukule, kechi kahasa kunuwukayo.