Alevi 11:47 - MUKANDA USANDU WA ZAMBI 1975

⁴⁷ Nukahandunune hakachi ka akwa luchisa ni apema; hakachi ka mukwa mwono yoze munuhasa kumulia ni mukwa mwono yoze kunuchi kuhasa kumulia.

Mukanda Wa Zambi 1970

⁴⁷ Nukahandununa hakachi ka tushitu a luchisa ni waze abema, ha kushishika tushitu waze munuhasa kulia ni waze kunwahashile kulia.

Alevi 11:47 Iomraidhean Croise

Ubutukilo 7:2

A kuli tushitu eswe a kulinanga ukatambule shimbiali ni shimbiali, ni kuji ni chihwo chenyi. A kuli tushitu keshi kulinanga ukatambule aali ni aali, kuji ni chihwo chenyi.

Ezekiel 22:26

Asasendote jenyi hatangula shimbi jami ni kujilula yuma yami yisandu. Kasele chinyingi hakachi ka yuma yisandu ni yuma yeswayo; kalongesele atu kusa chinyingi hakachi ka yuma ya luchisa ni yuma yipema. Halelesa masambata jami, chocho yami napwa kuli ayo wa kujilula.

Ezekiel 44:23

Makalongesa atu jami kuhandununa hakachi ka yuma yisandu ni yuma yeswayo, nikwalweza kusa chinyingi hakachi ka yuma ya luchisa ni yuma yipema.

Daniel 1:8

Alioze Daniel yasa mbunge yenyi ngwenyi, Chichi kulichisa ni kulia chino chipema cha mwanangana, chipwe ni vinyu yino akunwa. Kashika yeta kuli unuku wa lutwe amutayize kanda alichisa.

Alevi 10:10

Chanutamba kupatula hakachi ka yisandu ni yuma yeswayo; hakachi ka yuma yipema ni yuma ya luchisa.

Alevi 11:46

Yino ye shimbi ya tushitu, ni ya tujila, ni ya akwa mwono eswe akwenda mu meya, ni ya tushitu eswe akukalala hashi.

Alevi 12:1

Yehova yamba kuli Mose ngwenyi,

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.